پرایس‌دان ایران آچیقلاماسی

ند پرایس، ایرانین نۆوه پروگرامینی دوردورماغا یؤنه‌لیک اؤنجه‌لیکلی یوللارینین دیپلوماسی اولدوغونو آنجاق تهران ایستکسیز داوراندیغی تقدیرده سون سئچه‌نکلرینین بو اولمادیغینی سؤیله‌دی

1957705
پرایس‌دان ایران آچیقلاماسی

آمریکا بیرلشمیش دؤولتلری خاریجی ایشلر باخانلیغی سؤزچوسو ند پرایس، ایرانین نۆوه پروگرامینی دوردورماغا یؤنه‌لیک اؤنجه‌لیکلی یوللارینین دیپلوماسی اولدوغونو آنجاق تهران ایستکسیز داوراندیغی تقدیرده سون سئچه‌نکلرینین بو اولمادیغینی سؤیله‌دی.

اسرائیل ساوونما باخانی یوآف گالانتین آمریکا بیرلشمیش دؤولتلری مدافعه ساوونما باخانی لوید آستین ایله تئل آویوده تشکیل ائتدیگی اورتاق مطبوعات توپلانتیسیندا ایرانین نۆوه پروگرامینا قارشی "هر جور حرکته حاضرلیقلی اولمالیییق" ایفاده‌لری دقتلری آمریکا بیرلشمیش دؤولتلری باشکندی واشینگتونا چئویردی.

پرایس، گونده‌لیک مطبوعات توپلانتیسیندا گالانتین آچیقلامالارینا باغلی سوال اوزرینه، ایران نۆوه پروگرامینین عاجیل بیر سیناما اولدوغونو قبول ائتدیکلرینی و ایرانین نۆوه سلاحی الده ائتمه‌سینه ایجازه وئرمه‌یه‌جکلرینه دایر وعدلرینه باغلی اولدوقلارینی سؤیله‌دی.

پرایس، "بو قرارلیلیغیمیزی یئرینه یئتیرمه‌نین ان تأثیرلی یولونون دیپلوماسی اولدوغونا اینانیریق. ایرانین نۆوه پروگرامیندان قایناقلی پروبلئملره قالیجی و دوغرولانابیلیر حل یولو آنجاق دیپلوماسی ایله مومکون اولابیلر. دیپلوماسی هر زامان بیزیم ایلک سئچیمیمیز اولاجاق آنجاق قارشیمیزدا بو مؤوضوعدا ایستکسیز بیر طرف وارسا دیپلوماسیبیزیم سون سئچیمیمیز اولماز" دئیه دانیشدی.

اؤته یان‌دان آمریکا بیرلشمیش دؤولتلری یؤنه‌تیمی، ایرانین اینسانسیز هاوا آراجی (ایها) تداروک شبکه‌سینی دستکله‌یه‌ن چین مرکزلی ۵ شیرکت و ۱ نفری تحریم لیستینه علاوه ائتدی.

آمریکا بیرلشمیش دؤولتلری خزانه باخانلیغیندان وئریله‌ن آچیقلامادا، ایها کپارچالارینین ایرانا ساتیشی و گؤندریمیندن مسئول ۵ شیرکتین کوتو مشینری، راون، گویلین آلفا، اس&سی ترید و کاسپرو اولاراق سیرالانارکن، اس&سی تریدین چالیشانی یون شیا یوانا دا تحریم تطبیق اولوناجاغی قئید ائدیلدی.

باخانلیقدان وئریلن بیر باشقا آچیقلامادا، تحریم تطبیق اولونان ایرانلی قورولوشلارین اولوسلارآراسی مالی سیستمه گیریشینی تامین ائد‌ن و موشتریلرله تیجارتلرینی گیزله‌یه‌رک "کؤلگه بانکچیلیق" شبکه‌سی میدانا گتیره‌ن ۳۹ قورولوشون دا تحریم لیستینه علاوه اولوندوغو بیلدیریلدی.



ایلگیلی‌لی خبرلر