اندونزیادا تورپاق سوروشمه‌سی نتیجه‌سینده حیاتینی ایتیرن‌لرین سایی 21 نفره چاتیب

اندونزیانین ناتونا آدا‌لاریندا لئیسان یاغیش‌لارین سبب اولدوغو تورپاق سوروشمه‌سی نتیجه‌سینده 21 نفر حیاتینی ایتیریب، 50 نفر ایتکین دوشوب.

اندونزیانین ناتونا آدا‌لاریندا یاغان آرام‌سیز یاغیش‌لار تورپاق سوروشمه‌سینه سبب اولموشدو.

آختاریش-قورتارما عملیات‌لاری‌نین داوام ائتدیگی بؤلگه‌ده حیاتینی ایتیرن‌لرین سایی‌نین آرتا بیله‌جگی استثنا اولونمور.

سون گون‌لر یاغان آرام‌سیز یاغیش‌لار اؤلکه‌نین بیر سیرا بؤلگه‌سینده تورپاق سوروشمه‌لرینه سبب اولوب.

2022-جی ایلین نوامبر آییندا باتی جاوانین جینژور شهرینده باش وئرن 5،6 شدتینده زلز‌له‌نین سبب اولدوغو تورپاق سوروشمه‌سی نتیجه‌سینده اکثریتی اوشاق اولماقلا 335 نفر حیاتینی ایتیرمیشدی.