مکزیکا-دا ترک ائدیلمیش کامیوندا 343 کوچمن آشکارلانیب

مکزیکانین دوغوسوندا ترک ائدیلمیش کامیوندا 343 غیری-قانونی کوچمن آشکارلانیب.

مکزیکا میللی کوچ اینستیتوتونون (INM) معلوماتیندا وراکروز ایالتینده بیر کامیونون آرخاسیندا هندوراس، السالوادور، گواتمالا و اکوادور-دان اولان مهاجیرلرین آشکار ائدیلدیگی بیلدیریلیب.

مکزیکا میللی کوچ اینستیتوتو قئید ائدیب کی، آشکارلانان 343 مهاجیردن 103-و آزیاش‌لی اوشاق‌لاردیر.

باش ساووجیلیق اوفیسی (FGR) و جینایت آختاریش ایداره‌سی (AIC) حادثه ایله باغلی آراشدیرما‌لارا باشلانیلدیغینی آچیقلاییب.

یوک ماشینی‌نین سوروجوسونون حادثه یئریندن قاچدیغی و مهاجیرلرین قاچاقمالچی‌لار طرفیندن امریکا-یا آپاریلا‌جاق‌لارینی وعد ائده‌رک آلدادیلدیغی گومان ائدیلیر.

خاطیرلاداق کی، مکزیکا میللی کوچ اینستیتوتو کئچن هفته باجا کولیفرنیا ایالتینده‌کی بیر هتلین اوتاغیندا 79 مهاجیرین اولدوغونو آچیقلاییب.

مکزیکا یئتکیلیلرینین معلومات‌لارینا گؤره، اؤلکه‌ده 8،76 میلیون سندسیز کوچمن‌ین یاشادیغی گومان ائدیلیر.