آدمیرال استوارت مونش آدانا-دا

ناتو-نون ناپولی-‌داکی بیرگه قوه‌لر قوموتانی آدمیرال استوارت مونش تورکیه-ده زلز‌له‌دن ضرر چکمیش بؤلگه‌لره باش چکمک و قورتارما ایشلرینی یئرینده‌جه گؤرمک اوچون آدانا شهرینده یئرلشن اینجیرلیک هاوا بازاسینا گلیب.

قوموتانلیغین توییتر حسابیندان ائدیلن پای‌لاشیمدا دئییلیب:

"ناتو و امریکا اکیپ لری ایله بیرلیکده یاردیم سعی‌لرینه موشاهیده ائتمک و قیمتلن‌دیرمک اوچون آدمیرال مونش‌ون اینجیرلیک هاوا بازاسینا زیارتی ناتو و امریکانین تورکیه-یه هاوا یولو ایله چادیر و یاردیم ماتئریل‌لارینی هاوا یولو ایله داشیماق سعی‌لرینه دقت یئتیرمکله باشلادی".

آچیقلامادا مونشون ساحه‌ده‌کی حاضیرلیق‌لاری و ناتو-نون تورکیه-یه گؤندردیگی ایلک یاردیمینی گؤرمک اوچون حاتای ویلایتی‌نین زلز‌له‌دن ضرر چکمیش اسکندرون قصبه‌سینه گئدجگی قئید ائدیلیب.

خاطیرلاداق کی، فوریه‌نین 6-دا قهرمان ماراش-دا باش وئرن و "عصرین فلاکتی" اولا‌راق خاراکتریزه ائدیلن و 11 ویلایته تأثیر ائدن زلز‌له‌لردن سونرا 9 میندن چوخ اولوسلار آراسی آختاریش- قورتارما تیمی تورکیه-یه گلیب.