روسیا: نۆوه سلاحلاری ایله اؤزوموزو ساوونما حاقیمیز واردیر
"بوتون عاغیللا حرکت ائدن گوجلر، دونیانین، آمریکانین روسیانی مغلوب ائتمک ایسته‌مه‌سی حالیندا کۆره‌سل بیر چاتیشمانین عرفه‌سینده اولدوغونون فرقینده‌دیر"
روسیا گوونلیک شوراسی باشقان کؤمکچی‌سی دمیتری مدودو، آمریکا بیرلشمیش دؤولتلرینین اؤلکه‌سینین مغلوبیتینی ایسته‌مه‌سی حالیندا، دونیانین کۆره‌سل بیر چاتیشمانین عرفه‌سینده اولاجاغینی ایفاده ائد‌رک بو وضعیتده، هر جور سلاحلا اؤزلرینی ساوونما حاقلاری اولدوغونو ایفاده ائتدی.
دمیتری مدودو، تلگرام اوزریندن یاییملادیغی یازی‌ی آچیقلامادا، اؤلکه‌سینین آمریکا ایله ائدیله‌ن و قاره‌لر آراسی نۆوه بالیستیک موشک قابیلیتلرینی کنترل ائتمه‌یی آماجلایان یئنی استراتژیک سلاحلارین آزالدیلماسی آندلاشماسینا (استارت) قاتیلیمینی آسقییا آلماسینی دگرلندیردی.
آمریکانین، روسیایا قارشی "هر جور پیسلیگی" ائتدیگینی، اوکراینایا اؤنملی میقداردا سلاح تامین ائتدیگینی و روسیانی مغلوب ائتمک اوچون اوغراشدیغینی وورغولایان مدودو،
"آنجاق ایستراتژیک گوونلیک آیری بیر مؤوضوعدور. آمریکا-روسیا ایلیشکیلرینین عمومی مضمونویلا بیر ایلگیسی یوخدور" ایفاده‌لرینی ایشلتدی.
مدودو، واشینگتن یؤنه‌تیمینین سرگیله‌دیگی یاناشمانین بؤیوک بیر یانلیش اولدوغونو ایفاده ائد‌رک،
"بو یانلیش، اوستونلوک و توخونولمازلیق حسلریندن قایناقلانیر. بوتون عاغیللا حرکت ائدن گوجلر، دونیانین، آمریکانین روسیانی مغلوب ائتمک ایسته‌مه‌سی حالیندا کۆره‌سل بیر چاتیشمانین عرفه‌سینده اولدوغونون فرقینده‌دیر. آمریکا روسیانی مغلوب ائتمک ایسترسه، نۆوه سلاحلاری داخیل هر جور سلاحلا اؤزوموزو مدافعه ائتمه حاقیمیز واردیر" دگرلندیرمه‌سینی دیله گتیردی.
روسیانین، یئنی استارت‌ده‌کی قاتیلیمینی آسقییا آلما قرارینی، آمریکا و باشقا ناتو اؤلکه‌لرینین آددیملاری سببی ایله آلدیغینا ایشاره ائدن مدودو،
"بو، آمریکا و دیگر ناتو اؤلکه‌لرینین اؤلکه‌میزه قارشی اعلان ائتدیگی ساواشین یول آچدیغی، دونیادا و اؤزل اولاراق آمریکا‌دا بؤیوک انعکاسی اولاجاق بیر قراردیر" ایفاده‌سینه یئر وئردی.
دمیتری مدودو، روسیا دؤولت باشقانی ولادیمیر پوتینین، "ساواش ساحه‌سینده روسیانی مغلوب ائتمک ایمکانسیزدیر" آچیقلاماسینی خاطیرلاداراق بونلاری قید ائتدی:
"تام دا بو سببله هله‌لیک یئنی استارتی آسقییا آلدیق. آمریکا‌دا حقیقتله باغی قوپموش سئچکینلر نه‌لر باجاردیقلارینی بیر دۆشونسونلر. ناتودا‌کی دیگر نۆوه سلاحینا صاحیب گوجلر فرانسا و اینگیلتره‌نین تپکیلرینی ده ایزله‌یک. اونلارین استراتژیک نۆوه گوجلری، آمریکا ایله روسیا آراسینداکی آنلاشمالار حاضیرلانارکن داخیل ائدیلمه‌میشدی، آرتیق داخیل ائتمه‌نین زامانی گلدی".
