امریکا جو بایدنین کیئوه سفریندن اول روسیانی معلوماتلاندیریب
امریکا پرزیدنتی جو بایدن اوکراینانین پایتاختی کیئوه گئتمزدن اول روسیانی سفر بارهده معلوماتلاندیریب.

امریکا پرزیدنتی جو بایدن اوکراینانین پایتاختی کیئوه گئتمزدن اول روسیانی سفر بارهده معلوماتلاندیریب.
امریکانین میللی تهلوکهسیزلیک موشاویری جیک سالیوان آنلاین گؤروشده ژورنالیستلرین سواللارینی جاوابلاندیرارکن دئییب:
"روسیایا معلومات وئرمیشیک کی، پرزیدنت بایدن کیئوه گئده بیلر. بونو "قوهلرین تهلوکهسیز آیریلماسی" مقصدیله (بایدن) گئتمزدن بیر نئچه ساعات اول ائتدیک".
جیک سالیوان روسیانین بو معلوماتلارا رئاکسیاسی ایله باغلی تفررواتلاری آچیقلاماییب.
بو آرادا، سالیوان عمومیلیکده نوکلئر سوپر گوجلر آراسیندا آرزو اولونماز موناقیشهلرین قارشیسینین آلینماسی معناسینی وئرن "قوهلرین تهلوکهسیز آیریلماسی" ایفادهسینی ایشلتمهسی دقت چکیب.
خاطیرلاداق کی، امریکا پرزیدنتی جو بایدن لهستانا سفریندن اول فوریهنین 20-ده اوکراینانین پایتاختی کیئوه گؤزلنیلمهین سفر ائدیب.
جو بایدن اوکراینا پرزیدنتی ولودیمیر زلنسکی ایله گؤروشوندن سونرا کئچیریلن بیرگه مطبوعات کنفرانسیندا اوکراینایا یئنی 500 میلیون دولارلیق حربی یاردیم پاکتینی آچیقلاییب.
بایدن اوکراینا حکومتینه وطنداشلارا ضروری خیدمتلرین گؤستریلمهسینه کؤمک ائتمک اوچون درحال ایستیفاده ائده بیلهجگی میلیاردلارلا دولار دولایی بودجه دستکی وئرهجکلرینی اعلان ائدیب.
ایلگیلیلی خبرلر

روسیانین آلتای بؤلگهسینده ۶،۴ ریشتر گوجونده زلزله باش وئریب
ایلکین تثبیتلره گؤره، زلزلهده جان ایتکیسی و یارالانما اولمادیغینی بیلدیریب.