رومانی هاوا ساحهسینده "اوچان جیسیم" گؤرولدو
"رادارلاردا معین ائدیلمهسینه باخمایاراق، ساواش اوچاقلاریمیز هئچ بیر نسنه تاپمابیلمهدی"
هاوا ساحهسینده "تانیملاناممایان اوچان جیسیم" گؤرولن رومانی حاضیر دوروما گئچدی.
رومانی ساوونما باخانلیغیندان وئریلهن آچیقلامادا، هاوا ساحهسینده اوچان بیر جیسیم معین ائدیلمهسی ایله ناتویا عاید ایکی ساواش اوچاغینین هاوالاندیغی بیلدیریلدی.
آچیقلامادا، هاوا قورومو بالونونا بنزدیگی بیلدیریلهن اوچان جیسمین اؤلکهنین رادار سیستمی طرفیندن ۱۱ مین متر یوکسکلیکده معین ائدیلدیگی بیلدیریلدی.
ساواش اوچاقلارینین تخمیناً ۳۰ دقیقه بویو بؤلگهده گزدیگی بیلگیسینه یئر وئریلن آچیقلامادا، اوچان جیسمین تاپیلابیلمهدیگی قید ائدیلدی.
رومانینین خاریجی ایشلر باخانی بوگدان اورسکو مطبوعاتا آچیقلاماسیندا،
"رادارلاردا معین ائدیلمهسینه باخمایاراق، ساواش اوچاقلاریمیز هئچ بیر نسنه تاپمابیلمهدی. دولاییسیلا، هاوا ساحهمیز اوچون هئچ بیر تهلوکه یوخدور" ایفادهسینی ایشلتدی.
آمریکا بیرلشمیش دؤولتلری ساوونما باخانلیغی ۳ فوریهده چینه عاید اولدوغو ادعا ائدیلهن یوکسک ارتفاع استخبارات بالونونون آمریکا قارهسی اۆزرینده اوچدوغونو و مونتانا ایالتیندهکی بعضی حساس حربی تاسیسلرین اۆزریندن گئچدیگینین معین ائتدیلدیگینی بیلدیرمیشدی.
چین، بالونون اؤلکهیه عاید نظامی اولمایان بیر هاوا آرجای اولدوغونو، هاوابیلیمی آراشدیرمالاری اوچون ایستیفاده ائدیلدیگینی، کنترل قابلیتی محدود اولدوغو اوچون یئللرله سۆروکلنهرک یانلیشلیقلا آمریکا هاوا ساحهسینه گیردیگینی ادعا ائتمیشدی.
چینین آچیقلاماسی واشینگتنو قانع ائتمهمیش، بالون ۴ فوریهده باشقان جو بایدنین گؤستریشی ایله آتلانتیک اوقیانوسو اۆزرینه چیخدیغیندا، آمریکا سولاریندا ساواش اوچاقلاری طرفیندن وورولاراق دۆشورولموشدو.
ایلگیلیلی خبرلر
روسیهنین اوکراین راکت هوجوملاری
روسیهنین اوکراینین دنیپروپترووسک ویلایتینه راکت هوجوملاری نتیجهسینده ۸ نفر اؤلوب، 29 نفر یارالانیب