اولوسلار آراسی مطبوعاتدا قهرمان ماراش زلز‌له‌لری

اولوسلار آراسی مطبوعاتدا فوریه‌نین 6-دا قهرمان ماراش-دا باش وئرن و 10 شهرده باش وئرن 7،7 و 7،6 شدتینده زلز‌له‌لره گئنیش یئر آییرماقدا داوام ائدیر.

زلز‌له‌لرله باغلی معلومات‌لاری آن-آن پای‌لاشان اینگیلتره مطبوعات اورقانی بی بی سی 200 ایلدن آرتیق‌دیر کی، بو میقیاسدا زلز‌له‌نین اولاجاغینا دایر هئچ بیر خبردارلیق ایشاره‌سی‌نین اولمادیغینا دقت چکیب.

بؤلگه‌ده ان سون 1822-جی ایلده میدانا گلن 7،4 شدتینده زلز‌له‌نین یئرالتی تکان‌لاری‌نین تخمینن 1 ایل داوام ائتدیگی بیلدیریلن خبرده عینی وضعیتین قهرمان ماراش مرکزلی زلز‌له‌لرده ده تکرارلانا بیله‌جگی گؤزلنتی‌لری دیله گتیریلیب.

زلز‌له‌نین داغیدیجی تأثیری‌نین آراشدیریلدیغی اکونومیست-ین خبرینده "بو فلاکتی بو قدر داغیدیجی ائدن بیر چوخ فاکتور وار کی، بون‌لاردان بیری زلز‌له‌نین شدتی ایله باغلی‌دیر" یازیلیب.

زلز‌له شدتینده‌کی هر ریشتر درجه گوجون تأثیرینی 32 دفعه آرتیریب.  سطحه یاخین بیر نقطه‌ده میدانا گلمه‌سی ایسه زلز‌له‌نین سطحه تأثیرینی قات-قات چوخالدیب.

"تایمز" قزئتی بؤلگه‌نین تک تونیک طبقه‌لرین قووشاغیندا اولماسینا و زلز‌له نتیجه‌سینده بو طبقه‌لرده سورتونمه‌نین داغیدیجی تأثیرینه دقت چکیب.

2016-جی ایلده ایتالیا-دا باش وئرن زلز‌له‌ده 300 نفرین حیاتینی ایتیردیگی خاطیرلادیلان خبرده قهرمان ماراش مرکزلی زلزله‌لرده بوراخیلان انرژی میقداری‌نین 250 دفعه چوخ اولدوغو بونون  سارسینتی لاری دا چوخ داها شدتلی اولدوغو ووغولانیب.