آوروپادا تورکیه و سوریه زلز‌له‌لریله باغلی باغیشچیلار کنفرانسی تشکیل ائدیلیر

آوروپا کمیسیونو سوئد-ین صدرلیگی ایله تورکیه و سوریه-ده داغیدیجی زلز‌له‌دن ضرر چکن‌لره یاردیم مقصدیله باغیشچیلار کنفرانسینی تشکیل ائدیر.

آوروپا کمیسیونونون صدری اورسولا فن در لاین و سوئد-ین باش باش ناظیری اولف کریسترسون تورکیه حکومتی ایله کووردیناسیون شرایطینده باغیشچیلارین کنفرانسی‌نین تشکیلی باره‌ده نیت‌لرینی آچیقلاییب‌لار. تدبیر مارس آییندا بروکسل-ده کئچیریله‌جک.

باغیشچیلارین کنفرانسی اولوسلار آراسی توپلومو تورکیه و سوریه-ده باش وئرمیش داغیدیجی زلز‌له‌نین نتیجه‌لری‌نین آرا‌دان قالدیریلماسینا سفربر ائتمه‌یه کؤمک ائده‌جک.

سوئد حکومتی بیلدیریب کی، یوکسک سویه‌ده کئچیریله‌جک کنفرانسین مقصدی باغیشچیلارین جاواب‌لارینی کووردیناسیون ائتمک، همچنین زلز‌له‌دن ضرر چکمیش بولگه لرده برپا ایشلری‌نین سرعتله آپاریلماسی و ضررچکن‌لره یاردیم گؤستریلمه‌سی اوچون قایناق لار توپلاماق‌دیر. تدبیر آوروپا بیرلیگینه عضو اؤلکه‌لر، قونشو دؤولت‌لر، بمت-نین عضو‌لری، اولوسلار آراسی مالیه تشکیلات‌لاری و دیگر ماراق‌لی طرف‌لر اوچون آچیق اولا‌جاق.

کنفرانس آوروپا بیرلیگی‌نین قونشولوق و گئنیشلنمه اوزره کمیساری الیور ورهلی و سوئد-ین اولوسلار آراسی اینکیشاف، امکداش‌لیق و خاریجی تیجارت ناظیری یوهان فورسل‌ین هم صدرلیگی ایله کئچیریله‌جک.

سوئد-ین باش ناظیری اولف کریسترسون قئید ائدیب: "تورکیه-‌ده و سوریه-نین قوزیی ینده باش وئرمیش زلز‌له گؤرونمه‌میش بیر فلاکت‌دیر. اینسان تلفاتی‌نین و داغینتی‌لارین میقیاسی هر گون داها چوخ بللی اولور. حقیقتن، زلز‌له‌نین فسادلاری قورخونج‌دور. آوروپا بیرلیگینه صدرلیک ائدن سوئد ایستییر کی، تورکیه و سوریه خالق‌لاری‌نین بو چتین گونونده آوروپا بیرلیگی-نین یاردیمی اونلارین طلباتینی اؤدمک اوچون کافی اولسون".