دونیا ساغلیق تشکیلاتی زلز‌له بؤلگه‌لرینده اوچونجو درجه‌لی فوق العاده وضعیت اعلان ائتدی
هانس کلوگه دونیا ساغلیق تشکیلاتی‌نین زلز‌له بؤلگه‌لرینده اوچونجو درجه‌لی فوق العاده وضعیت اعلان ائتدیگینی آچیقلادی.
دونیا ساغلیق تشکیلاتی‌نین آوروپا بولگه‌سی مودیری هانس کلوگه دونیا ساغلیق تشکیلاتی‌نین زلز‌له بؤلگه‌لرینده اوچونجو درجه‌لی فوق العاده وضعیت اعلان ائتدیگینی آچیقلادی. بو، دونیا ساغلیق تشکیلاتی‌نین بوتون تشکیلاتی آکتیو‌لری‌نین سفربر ائدیلمه‌سی دئمک‌دیر.
هانس کلوگه تورکیه و سوریه-ده باش وئرن زلز‌له ایله باغلی دونیا ساغلیق تشکیلاتی‌نین ایداره هئیتینه معلومات تقدیم ائدیلدیگینی سؤیله‌یه‌رک دئییب: "اوچونجو درجه‌لی فوق العاده وضعیت اعلان ائدیلدی. اؤز حیات‌لاری تهلوکه آلتیندا اولاندا جاواب وئرن ایلک موداخیله ائدن‌لری، او جمله‌دن غازی آنتپ-داکی ساحه اوفیسیمیزده اولان دونیا ساغلیق تشکیلاتی امکداش‌لارینی تقدیر ائدیرم و قیمتلندیریرم" دئدی.
دونیا ساغلیق تشکیلاتی‌نین آوروپا قروپ‌لاری‌نین غازی آنتپ، آنکارا و ایستانبول-دا فعالیت گؤستردیگینی قئید ائدن کلوگه، "تورکیه یئتکیلیلرینی اینسان‌لارین حیاتینی خلاص ائتمک اوچون علامتدار جاواب عملیاتی باشلاتماسینی تقدیر ائدیرم. عضو دؤولت‌لره بؤیوک هم رای‌لیک‌لرینه گؤره تشککور ائدیرم. اولوسلار آراسی توپلومو دستکینی آرتیرماغا و تورکیه حکومتی و دونیا ساغلیق تشکیلاتی ایله تام کووردیناسیونو تامین ائتمه‌یه داوام ائتمه‌یه دعوت ائدیرم.
ایلگیلی‌لی خبرلر
رابرت فورددان بایدن رهبرلیگینه ی‌پ‌گ تنقیدی
"منجه واشینگتونون عمومیتی آمریکانین ی‌پ‌گ ایله ایلیشکیسینین تورکیه‌نی نه قدر حرصلندیردیگینی آنلامیر"
فیلیپین-ده یولجو گمی‌سینده یانغین اولوب، اؤلن‌لر وار
فیلیپین-ده یولجو گمی‌سینده باش وئرن یانغیندا آزی 12 نفر اؤلوب.
