آوروپا اؤلکه‌لریندن تورکیه‌یه گلن یاردیم اکیپلری
۲۰ آوروپابیرلیگی اؤلکه‌سی ایندییه قدر ۲۹ آختارما قورتارما اکیبی و ۵ طبی اکیپ گؤندرمک اوچون حرکته گئچدی
آوروپا اؤلکه‌لریندن تورکیه‌یه زلزله بؤلگه‌لرینه گئدن و یا گئده‌جک یاردیم گؤره‌ولیسی ساییسی ۱۵۰۰ نفره یاخینلاشدی.
آوروپا بیرلیگی کمیسیونو، مرکزی قهرمان ماراشین بازارجیق و البیستان ائلچه‌لری اولان و توپلامدا ۱۰ بؤلگه‌یه ائتکی ائد‌ن ۷،۷ و ۷،۶ بؤیوکلوگونده‌کی زلز‌له‌لر ندنی ایله آوروپابیرلیگی مولکی قوروما مکانیزمی چرچیوه‌سینده گؤندریله‌ن اکیپلرله باغلی بیلگیلری یئنیله‌دی.
بونا گؤره، ۲۰ آوروپابیرلیگی اؤلکه‌سی ایندییه قدر ۲۹ آختارما قورتارما اکیبی و ۵ طبی اکیپ گؤندرمک اوچون حرکته گئچدی. بو اکیپلرین توپلامدا ۱۴۸۵ نفر و ۱۰۰ آختارما قورتارما ایتیندن اولوشدوغو بیلدیریلدی.
اکیپلرین بعضیلرینین تورکیه‌یه گله‌رک زلزله بؤلگه‌سینده ایشه باشلادیغی خاطیرلادیلدی.
آیریجا، آوروپابیرلیگینین آختارما قورتارما و طبی اکیپلردن باشقا چادیر، پتو و ایسیدیچی کیمی لوازیم ده گؤندرجگی بیلدیریلدی. بو لوازیمی گؤندرمک اۆزره، آلمانیا، لیتوانی و اسلوونینین چالیشما یئریتدیگی قید ائدیلدی.
