زلزله‌ده حیاتینی ایتیره‌نلر اوچون بیر دقیقه‌لیک سایغی دوروشو
بیرلشمیش میللتلر تشکیلاتی باش قورولوندا، تورکیه و سوریه‌ده باش وئره‌ن زلزلهلرده حیاتینی ایتیره‌نلر اوچون بیر دقیقه‌لیک سایغی دوروشو ائدیلدی
بیرلشمیش میللتلر تشکیلاتینین باش قورولوندا، تورکیه و سوریه‌ده باش وئره‌ن زلزلهلرده حیاتینی ایتیره‌نلر اوچون بیر دقیقه‌لیک سایغی دوروشو ائدیلدی.
بیرلشمیش میللتلر تشکیلاتینین ۷۷-جی باش قورولو باشقانی چابا کوروسی، تورکیه و سوریه‌ده باش وئره‌ن زلزلهلرده حیاتینی ایتیره‌نلرین عائله‌لرینه باش‌ساغلیغی وئردی.
کوروسی، ۱۹۳ عضودن اولوشان باش قورول توپلانتیسیندان اؤنجه عضو دؤولتلری بیر دقیقه‌لیک سایغی دوروشونا دعوت ائتدی.
داها سونرا باش قورول عضولری تورکیه و سوریه‌ده باش وئره‌ن زلزلهلرده حیاتینی ایتیره‌نلر اوچون بیر دقیقه‌لیک سایغی دوروشو گئرچکلشدیردی.
اؤته یاندان، جمهورباشقانی رجب طیب اردوغانین، مرکزی، قهرمان ماراشین پازارجیق و البیستان ائلچه‌لری اولان و ۱۰ بؤلگه‌نی ائتکیله‌ین ۷،۷ و ۷،۶ بؤیوکلوگونده‌کی زلز‌له‌لر سببی ایله ۷ گونلوک اولوسال یاس اعلان ائدیلدیگینی آچیقلاماسیندان سونرا، بلژیکین باشکندی بروکسل‌ده اولان ناتو قرارگاهیندا تورک بایراغی یارییا ائندیریلدی.
