پدرسن‌-دان یاردیم چاغیریشی

بمت باش کاتیبی‌نین سوریه خصوصی نوماینده‌سی گیر پدرسن تورکیه و سوریه-ده باش وئرن زلز‌له‌لر نتیجه‌سینده حیاتینی ایتیرن‌لره باش ساغلیغی وئریب.

پدرسن وئردیگی یازیلی آچیقلامادا قیشین اورتاسیندا تورکیه و سوریه-ده مین‌لرله قادین، اوشاق و قوجانین تاثیرلندیگی زلز‌له‌نین سبب اولدوغو تراژیک اؤلوم حال‌لاری و جدی داغینتی‌لارین اونا دریندن تأثیر ائتدیگینی بیلدیریب.

"زلز‌له‌دن ضرر چکن‌لره درین حرن ایله باش ساغلیغی وئریرم" ایفاده‌لرینی ایشله‌دن پدرسن اونلارین بیر چوخونون (سوریه-ده‌کی زلز‌له‌ده اؤلن‌لرین) آرتیق ایللردیر بؤیوک اذیت چکدیگینی بیلدیریب.

پدرسن "بیز تام هم رای‌لیک ایچیندییک و دستکیمیزی بیلدیریریک" دئییب.

پدرسن سوریه خالقی‌نین عاجیل اولا‌راق اولوسلار آراسی یاردیما احتیاجی اولدوغونو بیلدیریب و هامینی دستکلمه‌یه دعوت ائدیب.