لاتین امریکاسی اؤلکه‌لری‌نین دؤولت باشچی‌لاری‌نین دستک و هم رای‌لیک مئساژلاری

مرکزی قهرمان ماراش اولان 10 ایالتده باش وئرن 7،7 و 7،6 شدتینده زلز‌له‌لردن سونرا لاتین امریکاسی اؤلکه‌لری‌نین دؤولت باشچی‌لاری دستک و هم رای‌لیک مئساژلاری وئریب‌لر.

مکزیکا-نین خاریجی ایشلر ناظیری مارسلو ابرارد توییتر حسابیندان ائتدیگی پای‌لاشیمدا پرزیدنت آندرس مانوئل لوپز اوبرادورون گؤستریشی ایله تورکیه-یه آختاریش-قورتارما قروپونون گؤندریله‌جگینی بیل‌دیره‌رک، "مکزیکا حربی هاوا قوه‌لرینه مخصوص اوچاق بیر نئچه ساعات سونرا تورکیه-یه گئتمک اوچون حرکت ائده‌جک" دئییب.

ونزوئلا پرزیدنتی نیکلاس مادورو دا اؤزونون توییتر حسابیندان ائتدیگی پای‌لاشیمدا قارداش تورکیه و سوریه خالقی ایله هم رای اولدوق‌لارینی بیل‌دیره‌رک "قوربان‌لارین عائله‌لرینه، تورکیه و سوریه خالقینا باش ساغلیغی وئریریک" دئییب.

آرژانتین پرزیدنتی آلبرتو فرناندز سوسیال مئدیا حسابیندان وئردیگی آچیقلامادا آرژانتین چوخ سایدا اینسان ایتکی‌سینه گؤره تورکیه و سوریه خالق‌لاری و دؤولت‌لری ایله هم رای اولدوغونو بیلدیریب.

بولیویا پرزیدنتی لوئیس آرس توییتر حسابیندان ائتدیگی پای‌لاشیمدا تورکیه و سوریه ایله تام هم رای اولدوق‌لارینی وورغولایا‌راق "بولیویا دؤولتی هلاک اولان‌لارین عائله‌لرینه درین حزن ایله باش ساغلیغی وئریر و یارا‌لی‌لارا تئزلیکله شفا دیلییر" ایفاده‌سینی ایشلدیب.

کلمبیا پرزیدنتی گوستاوو پترو دا سوسیال مئدیا حسابیندان وئردیگی مئساژدا تورکیه و سوریه خالقی ایله هم رای اولدوق‌لارینی ایفاده ائده‌رک، خاریجی ایشلر ناظیرلیگی‌نین کونکرت یاردیم اوچون مووافیق قوروم‌لارلا علاقه ساخلادیغینی قئید ائدیب.

گواتمالا پرزیدنتی الخاندرو جیاماتی توییتر حسابیندان ائتدیگی پای‌لاشیمدا تورک خالقی و حکومتی ایله هم رای اولدوق‌لارینی ایفاده ائده‌رک، "مین‌لرله اینسانین هلاکینا سبه اولان داغیدیجی زلز‌له نتیجه‌سینده حیاتینی ایتیرن‌لرین عائله‌لرینه باش ساغلیغی وئریریک و دعا‌لاریمیزی بیل‌دیریریک. اورییمیز سیزینله‌دیر" دئییب.