ژاپن "ننه و دده‌لرین اؤلکه‌سی" اولابیلر

ژاپن، دۆشن دوغوم نیسبتلری و آرتان یاشلی جمعیتی ایله "ننه و دده‌لرین اؤلکه‌سی" اولابیلر.

دوغو آسیا اؤلکه‌سی ژاپندا ۲۰۲۲-جی ایلده ایللیک دوغوم ساییسی ایلک دفعه ۸۰۰ مینین آلتینا دۆشدو.

۲۰۲۳-جو ایلین باشی اعتباری ایله ۱۲۴،۷۷ میلیونلوق ژاپن اهالیسینین بۆزده ۲۹لوق بؤلومو ۶۵ یاش‌ و اۆستو، یۆزده ۱۱،۶لیق قیسمی ایسه ۰-۱۴ یاش آرالیغیندادیر.

ژاپن، ۶۵ یاش و اۆستونون توپلام جمعیت نسبتینه گؤره دونیادا بیرینجی یئرده‌دیر.

ژاپنو یۆزده ۲۴،۱ ایله ایتالیا، یۆزده ۲۳،۳ فایله فنلاند ایزله‌ییر.

ژاپن باشباخانی کیشیدا فومیو، دۆشن دوغوم نیسبتلرین ایله ژاپنون "سوسیال فونکسیونلارینی ایتیرمه عرفه‌سینده" اولدوغونو و بو ایل اوشاق یئتیشدیرمه سیاستلرینه دمتمرکز اولاجاقلارینی آچیقلادی.

اؤلکه‌ده حکومته باغلی اوشاق و عائله آژانسی، آوریل آییندا فعالیته باشلایاجاق.

کیشیدا، ژوئن آیینا قدر جامع سیاستلرین بودجه‌سینی ایکی قات آرتیرماق اۆچون پلان حاضیرلایاجاقلارینی ایفاده ائتدی.