چین: مسلمانلارین اینانجینا سایغی گؤستریلمه‌‌لی
"بو حاللار دینی اینانج اؤزگورلوگونه سایغیلی اولدوغونو ادعا ائدن بعضی باتیلی سیاستچیلرینین ایکی اۆزلولوگونو گؤستریر"
چین خاریجی ایشلر باخانلیغی سؤزچوسو مائو نینگ، سوئد‌ده، آشیری ساغچی سیاستچی راسموس پالودانین قرآن کریمی یاندیرماسی و بوندان سونرا گلن بنزر ائیلملرین، «بعضی باتیلی سیاستچیلرینین اینانج اؤزگورلوگو ایله باغلی ایکی اۆزلولوگونو» گؤستردیگینی بیلدیردی.
سؤزچوسو مائو، پکنده تشکیل ائتدیگی گونده‌لیک مطبوعات توپلانتیسیندا:
"دینی اینانج اؤزگورلوگونه سایغی، اولوسلارآراسی توپلومون یایغین قبولودور. مسلمانلارین اینانجینا و دینی دویغولارینا سایغی گؤستریلمه‌‌لی‌دیر" دئدی.
آوروپادا بعضی سیاستچیلرین قرآن نوسخه‌لرینین یاندیریلماسی ایله باغلی خبرلری ایزله‌دیکلرینه ایشاره ائدن مائو،
"بو حاللار دینی اینانج اؤزگورلوگونه سایغیلی اولدوغونو ادعا ائدن بعضی باتیلی سیاستچیلرینین ایکی اۆزلولوگونو گؤستریر" ایفاده‌سینی ایشلتدی.
مائو، چینین اویقارلیقلار آراسیندا دیالوگو ساووندوغونو، مسلمانلارین و دیگر دینی قروپلارین اینانج اؤزگورلوکلرینی قوروماسی اوچون اسلام اؤلکه‌لری ایله چالیشماغا داوام ائدجگینی وورغولادی.
