واشینگتن پست: آمریکا پ‌کاکایا تعلیم وئریر
سوریه‌نین حسکه بؤلگه‌سینده چکیله‌ن فوتوگراف ایله، آمریکا مطبوعاتین‌دا ایلک دفعه اولاراق آمریکا اوردوسونون سدگ آدلاندیردیغی هؤرگوتون پ‌کاکا ایله عینی هؤرگوت اولدوغونون قبول ائدیلدیگی بیلدیریلدی
آمریکانین واشینگتن پست قزئتی، داها اؤنجه یاییملادیغی بیر خبرده اییئر وئردیگی فوتوگرافین آلتینداکی «آمریکا پ‌کاکایا تعلیم وئریر» اعترافینی دییشدیردی.
قزئت، «آمریکا گۆجلرینین پ‌کاکا عضولرینه تعلیم وئرمه‌دیگی» ادعاسینی ایر‌لی سۆردو.
واشینگتن پست قزئتینین ۲۸ ژانویه ساییسیندا یئر آلان بیر خبرین فوتوگراف آلتی یازیسیندا «سپتامبر آییندا آمریکا عسگرلری پ‌کاکا عضولرینه تعلیم وئررکن» ایفاده‌سی یئر آلدی.
سوریه‌نین حسکه بؤلگه‌سینده چکیله‌ن فوتوگراف ایله، آمریکا مطبوعاتین‌دا ایلک دفعه اولاراق آمریکا اوردوسونون سدگ آدلاندیردیغی هؤرگوتون پ‌کاکا ایله عینی هؤرگوت اولدوغونون قبول ائدیلدیگی بیلدیریلدی.
بو مؤوضوع ایله باغلی سواللارا اۆزرینه یازیلی آچیقلاما یاییملایان واشینگتن پست یؤنه‌تیمی، بو ایفاده‌لری ایشلتدی:
"۲۸ ژانویه ساییمیزین ایچ ستونلاریندا یئر آلان و اؤزل عملیات گۆجلرینده وظیفه‌لی قادینلارلا باغلی خبرده ایستیفاده ائدیله‌ن گتی ایمجز قایناقلی فوتوشکیل، آمریکا گۆجلرینین پ‌کاکا میلیتانلارینا تعلیم وئردیگی یؤنونده یانلیش بیر بیلگی احتیوا ائدیردی. آمریکا گۆجلری تورکیه و عراقدا فعالیت گؤستره‌ن و آمریکا طرفیندن ترور هؤرگوتو اولاراق تانیملانان پ‌کاکا عضولرینینه تعلیم وئرمیر‌دی".
واشینگتن پست قزئتین‌ده یئر آلان خبرده ایستیفاده ائدیله‌ن فوتوشکیل، ۷ سپتامبردا آنادولو آژانسی طرفیندن یاییملانمیش، گتی ایمجز شیرکتی ایله اولان آنلاشما ایله ده اولوسلارآراسی مئدیایا سرویس ائدیلمیشدی.
آنادولو آژانسی عکاسی سوریه‌نین قوزئیینده‌کی حسکه چؤلونده چکدیگی فوتوشکیللرده، آمریکا عسگرلرینین بؤلوجو ترور هؤرگوتو پ‌کاکا/ی‌پ‌گ‌نین ۲۴۰ عضوونه وئردیگی و آمریکانین برادلی تیپلی زره‌لی آراجینین دا قاتیلدیغی تعلیمدن کادرلار یئر آلیردی.
سؤزو گئدن تعلیم ساحه‌سینده آمریکایا عاید هلیکوپترلر ده کشف اوچوشلاری حیاتا گئچیرمیشدی.
ترور هؤرگوتو داعشه قارشی قورولان کوالیسیونا باشچیلیق ائد‌ن آمریکا، فراتین دوغوسوندا‌کی حسکه و دیر الزور تورپاقلاریندا پ‌کاکا/ی‌پ‌گ‌لی تروریستلره داها اؤنجه ده چئشیدلی سلاحلی تعلیم و مانورلارلا دستک وئرمیشدی.
آمریکا و اونون اؤنچولوک ائتدیگی کوالیسیون گۆجلری، ۲۰۱۵-جی ایلده‌ن بری مینلرجه پ‌کاکا/ی‌پ‌گ تروریستینه سلاحلی تعلیم وئردی.
آمریکا یؤنه‌تیمی و مئدیاسی، سوریه‌ده‌کی ایچ ساواشین باشیندان بری تۆرکیه‌نین بوتون اویاریلارینی دقته آلمایاراق، ی‌پ‌گ‌نین پ‌کاکا ترور هؤرگوتونون بیر اوزانتیسی اولدوغونو قبول ائتمیر.
تۆرکیه‌نین قارشی چیخماسی و آمریکانین ترور هؤرگوتونه دستک وئردیگینی افشا ائتمه‌سی ایله آمریکا، پ‌کاکا/ی‌پ‌گ بؤلوجو ترور هؤرگوتونه سدگ آدیندان ایستیفاده ائتمه‌یی تکلیف ائتمیشدی.
ایلگیلی‌لی خبرلر
آمریکادا دوشن هلیکوپترلرده ۹ عسگر اؤلدو
ایکی هلیکوپترین ۲۹ مارس‌دا دوشمه‌سی نتیجه‌سینده ۹ عسگر حیاتینی ایتیردی
