سوئد باشباخانی سون اولایلاری یوروملادی

سوئد باشباخانی اولف کریسترسون،

«تۆرکیه و ایسلام قارشیدی حرکتلرین، سوئدین دونیاداکی ایمیجی و یورددیشینداکی سوئد‌لیلرین گۆونلیگی اوچون نئجه ریسکلی و بؤیوک نتیجه‌لر دوغورابیله‌جگینی گؤردوک» دئدی.

اولف کریسترسون، سیاسی پارتی لیدئرلری ایله باغلی قاپیلار آرخاسیندا تشکیل ائتدیگی گؤروشمه‌دن سونرا، اؤلکه‌سین‌ده بؤلوجو ترور هؤرگوتو پ‌کاکا/ی‌پ‌گ دستکچیلری طرفیندن  تشکیل ائتدیلن تۆرکیه قارشیدی تخریباتلارا، قرآن کریمین یاندیریلماسینا و سوئدین ناتویا عضوولوک مراجعتی پروسه‌سی ایله باغلی آچیقلامالار وئردی.

سون بیر نئچه هفته‌ده باشکند استکهلم‌دا باش وئره‌ن حادثه‌لرین سوئدین گۆونلیگینی نه قدر قاریشیق حالا گتیردیگینین اورتادا اولدوغونو دیله گتیره‌ن کریسترسون، بئله داوام ائتدی:

«جمهورباشقانی (رجب طیب) اردوغانا بنزدیلن بیر اویونجاغین آیاغیندان آسیلدیغینی و داها سونرا تۆرکیه‌نین استکهلم ائلچیلیگینین قارشیسیندا قرآن کریمین یاندیریلدیغینی گؤردوک. سوئد‌ده سون بیر نئچه هفته‌دیر یاسال اولماسینا باخمایاراق کیچیک قروپلارین و شخصلرین گئرچکلشدیردیگی حرکتلر، دزانفورماسیون کمپینینه چئوریلدی. سوئدی ایسلام دۆشمنی بیر اؤلکه کیمی گؤستردی. بونون سوئدین دونیاداکی ایمیجی و خاریجده‌کی سوئد‌لیلرین گۆونلیگی اوچون نئجه ریسکلی و بؤیوک نتیجه‌لر دوغورابیله‌جگینی گؤردوک».

کریسترسون، سؤزوگئدن ائیلملرین سوئد قارشیدلارینین ایشینه یارادیغینی ایفاده ائد‌رک، بو ائیلملری ائد‌نلری «قوللانیشلی آخماقلار» دئیه تانیملادی.