بورل‌دن سپاه آچیقلاماسی

"ایلک نؤوبه‌ده عضو اؤلکه‌لردن بیرینده ملموس بیر قیناق، حقوقی بیر بیان اولمالیدیر"

1936734
بورل‌دن سپاه آچیقلاماسی

آوروپا بیرلیگی خاریجی ایلیشکیلر و گوونلیک سیاستی یوکسک نماینده‌سی جوزپ بورل، ایرانین سپاه اوردوسونون آوروپا بیرلیگینین  ترور لیستینه داخیل ائدیلمه‌سینین یالنیز عضو اؤلکه‌لردن بیرینده وئریله‌جک محکمه قرارین‌دان سونرا مومکون اولابیله‌جگینی سؤیله‌دی.

بورل، بلژیکین باشکندی بروکسل‌ده تشکیل آوروپا بیرلیگی اؤلکه‌لرینین خاریجی ایشلر باخانلاری توپلانتیسین‌دان اؤنجه دانیشدی.

بیر ژورنالیستین ایرانین سپاه اوردوسونون ترور لیستینه داخیل ائدیلیب ائدیلمه‌یه‌جگی ایله باغلی سوالینا بورل بئله جاواب وئردی:

"سندن خوشوم گلمیر، اونا گؤره ده سنی تروریست ساییرام" دئیه‌بیلمزسینیز. بونون اوچون ایلک نؤوبه‌ده عضو اؤلکه‌لردن بیرین‌ده ملموس بیر قیناق، حقوقی بیر بیان اولمالیدیر. سونراسیندا بیز آوروپا سویه‌سینده بو مؤوضوع اۆزرینده چالیشاریق" ایفاده‌لرینی ایشلتدی.

بورل، باخانلارین بو گون یالنیز اینسان حاقلاری چرچیوه‌سینده (ایرانلی) شخصلره قارشی یئنی تحریملری اله آلاجاقلارینی بیلدیردی.

آوروپا پارلمانیندا ۱۹- ژانویه‌ده قبول ائدیلن لایحه‌ده، ایرانلی لیدئرلره تحریم و سپاه اوردوسونون آوروپا بیرلیگینین ترور لیستینه سالینماسی طلب ائدیلمیشدی. بونا جاواب اولاراق ایران مجلیسی حکومته آوروپا بیرلیگی اؤلکه‌لرینین اوردولارینی ترور لیستینه داخیل ائتمه‌یی طلب ائد‌ن قارشی لایحه‌ حاضیرلامیشدی.



ایلگیلی‌لی خبرلر