گوترش، روسیانین دنیپرو سالدیریسینی قینادی
"باش کاتیب مولکی شخصلره و مولکی قورولوشلارا قارشی سالدیریلارین اولوسلارآراسی اینسانی حقوقو پوزدوغونو بیلدیریر"
بیرلشمیش میللتلر تشکیلاتینین باش کاتیبی آنتونیو گوترش، روسیا اوردوسونون اوکراینانین دنیپرو شهرینه تشکیل ائتدیگی موشک سالدیریسینی "گوجلو بیر شکیلده" قینادی.
بیرلشمیش میللتلر تشکیلاتی باش کاتیبینین سؤزچوسو استفانی ترمبلای، گوترشین، ان آز ۴۰ نفرین یاشامینی ایتیردیگی، بیر چوخ اینسانین یارالاندیغی و اونلارلا اینسانین ایتکین دوشمدوگو موشک سالدیریسینی "گوجلو بیر شکیلده قینادیغینی" ایفاده ائتدی.
ترمبلای،
"باش کاتیب مولکی شخصلره و مولکی قورولوشلارا قارشی سالدیریلارین اولوسلارآراسی اینسانی حقوقو پوزدوغونو بیلدیریر" ایفاده‌سینی ایشلتدی.
گوترشین سؤزوگئدن سالدیریلارین ان قیسا زامان‌دا سونلاندیریلماسی لازیم اولدوغونو وورغولادیغینی بیلدیره‌ن ترمبلای، بیرلشمیش میللتلر تشکیلاتی باش کاتیبینین دنیپرو سالدیریسیندا حیاتینی ایتیره‌نلرین عائله‌لرینه باش‌ساغلیغی، یارالیلارا عاجیل شفالار دیله‌دیگینی بیلدیردی.
روسیا اوردوسونون ۱۴ ژانویه‌ده دنیپرو شهرین‌ده ۹ قاتلی یاشاییش بیناسینا آتدیغی موشک سالدیریسیندا آرالارین‌دا اوشاقلارین دا اولدوغو ۴۰ دینج ساکین حیاتینی ایتیرمیش، ۷۵ نفر یارالانمیشدی.
سالدیریدان سونرا دنیپرودا اوچ گونلوک یاس اعلان ائدیلمیشدی.
اؤته یاندان، کرملین سؤزچوسو دمیتری پسکوو، دونن وئردیگی آچیقلامادا، دنیپرودا کیموشک سالدیریسی ایله باغلی اتهاملاری رد ائد‌رک،
"روسیا اوردوسو یاشاییش بینالارینا و سوسیال آلت‌یاپی تاسیسلرینه سالدیری تشکیل ائتمیر. اوکراینا طرفینین بعضی نماینده‌لرینین، فاجعه‌نین هاوا ساوونما سیستمیندن قایناقلاندیغینینا دایر چیخاریملارینی سیزلر ده گؤردونوز" سؤزلرینی ایشلتمیشدی.
