وولکر تۆرک: ایران اعدام جزاسینی بیر سلاحا چئویردی
اینسان حاقلاری یوکسک کمیسری تۆرک، ایران حکومتینه، اؤز خالقینین حیاتینا و ایستکلرینه سایغیلی اولما و بوتون اعداملاری دوردورما چاغریسینی بیر داها یئنهلهدی
بیرلشمیش میللتلر تشکیلاتینین اینسان حاقلاری یوکسک کمیسری وولکر تۆرک، ایران حکومتینین جزا سوروشدورمالاری و اؤلوم جزاسینی، اعتراضلاردا ایشتیراک ائدنلری جزالاندیرماق و موخالیفتی آرادان قالدیرماق اوچون بیر سلاحا چئویردیگینی بیلدیردی.
تۆرک، یازیلی آچیقلامادا، ایرانداکی گؤستریلره گؤره وئریلهن اعدام حؤکملرینه تپکی گؤستردی.
ایراندا گنج بیر قادینین پلیس نظارتینده ایکن اؤلوموندن سونرا باشلایان اعتراضلارلا باغلی یارغیلانان ۴ نفرین اعدام ائدیلدیگینی قید ائدن تۆرک، بو محکمهلرین ایرانی باغلایان و اولوسلارآراسی اینسان حاقلاری حقوقونون ضروری قیلدیغی مینیموم عدالتلی محاکیمه و حیاسال پروسه ضمانتلرینی قارشیلامادیغینی بیلدیردی.
تۆرک، اعداملارین "اؤزباشینا بیر شکیلده حیاتدان محروم ائتمه" دئمک اولدوغونو ایفاده ائدرک، "ان تمل حقاقلاریندان ایستیفاده ائدرک گؤستریلره قاتیلان و یا گؤستری تشکیل ائدنلری جزالاندیرماق اوچون جزا یارغیلامالارینین بیر سلاحا چئویریلمهسی، دؤولت یاپدیریمی ایله اؤلدورمه دئمکدیر" دگرلندیرمهسینی وئردی.
ایران یؤنهتیمینین، "اعتراضلاردا ایشتیراک ائدنلری جزالاندیرماق، موخالیفتی داورتادان قالدیماق و خالق آراسیندا قورخو سالماق اوچون جزا سوروشدورمالاری و اؤلوم حؤکمونو بیر سلاحا چئویردیگینی، بونون دا اولوسلارآراسی اینسان حقوقونا ضد اولدوغونو" بیلدیردی.
تۆرک، ایران حکومتینه، اؤز خالقینین حیاتینا و ایستکلرینه سایغیلی اولما و بوتون اعداملاری دوردورما چاغریسینی بیر داها یئنهلهدی.
تهراندا، بیر قادینین اخلاق پلیسی طرفیندن باش اؤزتوسو قانونونا اویمادیغی اوچون گؤزآلتینا آلیندیقدان سونرا اؤلمهسی ایله اؤلکهده اعتراضلار باشلامیشدی.
اؤلکهده ۴ آی داوام ائدن گؤستریلرله باغلی ایندییه دک ۱۰دان چوخ اینسان اعداما محکوم ائدیلدی، بونلاردان دؤردو اعدام ائدیلیدی. اؤلوم حؤکملرینین بعضیلری ایسه یارغیتای طرفیندن لغو ائدیلدی.