آنتونیو گوترش طرفلری قیبریس پروبلئمینین حلینه چاغیریب
بیرلشمیش میللتلر تشکیلاتینین (بمت) باش کاتیبی آنتونیو گوترش قیبریس-دا اون ایللیکلردیر داوام ائدن موناقیشه ایله باغلی نتیجهیه یؤنلمیش دانیشیقلارا چاغیریب.
بیرلشمیش میللتلر تشکیلاتینین (بمت) باش کاتیبی آنتونیو گوترش قیبریس-دا اون ایللیکلردیر داوام ائدن موناقیشه ایله باغلی نتیجهیه یؤنلمیش دانیشیقلارا چاغیریب.
بو بارهده گوترشین قیبریس آداسیندا روملار و تورکلر آراسیندا داوام ائدن موناقیشه ایله باغلی قیمتلندیرمهلرینین یئر آلدیغی یئکون راپوروندا بیلدیریلیب.
ضامین دؤولتلری تورکیه، یونانیستان و اینگیلترهنین قیبریس آداسیندا اون ایللیکلردیر داوام ائدن موناقیشه اوچون دیالوق و امکداشلیغا دستک وئرمهیه چاغیران گوترش "قیبریس مسئلهسینده ایکی طرف آراسیندا کونکرئت دیالوقون اولماماسینی و مؤوجود سوسیال-اقتصادی و سیاسی ایقلیم نظرده توتولدوقدا قیبریس باریش پروسهسینین اورتاق زمینی توتما احتیمالی هلهلیک غیری-معین اولاراق قالیر" دئیه قئید ائدیب.
هر ایکی طرفین حاضیرکی موضع لرینین بیر-بیریندن اوزاق اولدوغونو و طرفلرین بیر-بیرینه قارشی دورماقدا داوام ائتدیگینی بیلدیرن آنتونیو گوترش آدادا دایمی حل موذاکیرهلرینین یئنیدن باشلاتماق یوللارینی آراشدیراجاق بمت نومایندهسینین تعیین ائدیلمهسی دایر أصول لار ایله باغلی هلهلیک راضیلیغین الده اولونمادیغینی قئید ائدیب.
بوتون طرفلری گرگینلیگی آرتیراجاق بیرطرفلی حرکتلردن چکینمهیه چاغیران گوترش ادا و اطرافینداکی طبیعی ثروتلرین هر ایکی ایجمایا دا فایدا وئرمهسینین واجیبلیگینی وورغولاییب.
باش کاتیب ضامین اؤلکهلری ده ایکی ایجما آراسیندا دیالوقو و امکداشلیغی دستکلمهیه چاغیراراق، قارشیلیقلی مقبول یول تاپماق، هامییا باریش و فیراوانلیق گتیرمک و نهایت قیبریس پروبلئمینی حل ائتمک اوچون داواملی و جدی سعیلر لازیمدیر" دئییب.
ایلگیلیلی خبرلر
توسک: دونیا یئنی بیر ساواش دؤنمینه گیردی
"کیمسهنی قورخوتماق ایستهمهم اما ساواش آرتیق گئچمیشده قالمیش بیر شئی دئییل"