پرنس هری: قارداشیم منه سالدیردی
"ویلیام منیم یاخامدان توتدو، بویونباغیمی قوپاردی و منی ییخدی"
اینگیلیس کراللیق عائله‌سین‌دن آیریلاراق آمریکایا یئرلشن ساسکس دوکو پرنس هری، بؤیوک قارداشی ولز پرنسی ویلیامین اونا فیزیکی اولاراق سالدیردیغینی ادعا ائتدی.
اینگیلیس گاردین قزئتی، پرنس هرینین ۱۰ ژانویه‌ده ایشیق اۆزو گؤرمه‌سی گؤزله‌نیله‌ن "Spare" آدلی کیتابینین بعضی بؤلوملرینی یاییملادی.
هری، کیتاب‌دا، مگان مارکل ایله ائولندیگی اوچون ایلیشکیلرینین پوزولدوغو بؤیوک قارداشی ولز پرنسی ویلیامین اونا فیزیکی اولاراق سالدیریغینی ادعا ائتدی.
هری بو ادعاسینی "ویلیام منیم یاخامدان توتدو، بویونباغیمی قوپاردی و منی ییخدی" ایفاده‌لری ایله دیله گتیردی.
پرنس هری بو یاخینلاردا عائله‌سی ایله باریشماق ایسته‌دیگینین ایشاره‌سینی وئرمیشدی.
اینگیلیس مطبوعاتینین یازدیغینا گؤره، هرینین هئچ شانسی یوخدور.
پرنس هرینین "Spare" آدلی ماراقلا گؤزله‌نیلن خاطره کیتابی ۱۰ ژانویه‌ده ساتیشا چیخاجاق.
