پ‌کاکا یانداشلاری پاریس کسبه‌سینه ده ضرر وئردی
پاریس ساکینلری و دوکانچیلاری حادثه‌نین شوکون‌دان چیخا بیلمدیکلرینی و مادی ایتکیلرینین چوخ اولدوغونو بیلدیردیلر
فرانسانین باشکندی پاریسده ۲۳ دسامبردا ۳ نفرین اؤلومو ایله نتیجه‌لنه‌ن سالدیری‌دان سونرا گؤستری تشکیل ائد‌ن ترور هؤرگوتو پ‌کاکا طرفدارلارینین آیریم قویمادان ساغا سولا سالدیرماسی، یوللاردا اولان اتومبیللره و دوکانلارا زیان وورماسی اطراف‌داکی کسبه و ساکینلری ضرر وئردی.
یئرلی ساکینلر و دوکانچیلار حادثه‌نین شوکون‌دان چیخا بیلمدیکلرینی و مادی ایتکیلرینین چوخ اولدوغونو بیلدیردیلر.
آدینین چکیلمه‌سینی ایسته‌مه‌یه‌ن پاریس ساکینی آنادولو آژانسینا وئردیگی آچیقلامادا، نوئل عرفه‌سین‌ده باشکند کوچه‌لرین‌ده بو جور خشونت و واندالیزمین شاهیدی اولماغین چوخ اۆزوجو اولدوغونو بیلدیردی.
یاخینلیق‌داکی بیر دوکانچی، پ‌کاکا یانداشلارینین اونون ماغازاسینین یاخینلیغین‌داکی اتومبیللری یاندیردیغی اوچون ایش یئرینی باغلاماق مجبوریتین‌ده قالدیغینی بیلدیره‌رک، "بو، پاریسین ایمیجینه ضرر گتیریر" ایفاده‌سینی ایشلتدی.
کسبه، او گونکو زواولایلار سببی ایله همین گلیرلرینین چوخ آشاغی اولدوغونو بیلدیردیلر.
پاریس پلیس رئیسی لورو نونز، ترور هؤرگوتو پ‌کاکا طرفدارلارینین پاریسده تؤرتدیگی زوراکیلیق‌دا ۳۱ پلیسین یارالاندیغینی آچیقلادی.
ایلگیلی‌لی خبرلر
پاریسده عرقچیلیک و ایسلام دوشمنلیگینه قارشی اعتیراض کئچیریلیب
بوندان علاوه، 2023-جو ایلین یاییندا پولیس زوراکیلیغی نتیجه‌سینده اؤلن گنج ده تظاهراتدا آنیلیب
