ولودیمیر زلنسکی امریکا کنگره سینده چیخیش ائدیب

اوکراینا پرزیدنتی ولودیمیر زلنسکی هئچ واخت روسیایا تسلیم اولمایا‌جاق‌لارینی بیلدیریب.

امریکا کنگره سینده چیخیش ائدن ولودیمیر زلنسکی کنگره عضو‌لرینه مراجعت ائدیب.

چیخیشیندا فوریه نین 24-دن اعتباراً روسیا ایله اوکراینا آراسیندا داوام ائدن محاربه‌یه توخونان ولودیمیر زلنسکی دئییب: "مرکب منزره‌لره باخمایا‌راق اوکراینا مغلوب اولمادی. اوکراینا یاشاییر و روسیایا لازیمی جاوابی وئریر.

بو محاربه‌ده امریکالی لارین و آوروپا‌لی‌لارین دا ظفر الده ائتدیگینی بیلدیرن زلنسکی دئییب: "بو سبب‌دن آوروپا‌لی‌لار ایندی همیشکیندن داها گوج‌لودور".

روس‌لاری میداندا دا مغلوب ائتمه‌لی اولدوق‌لارینی بیل‌دیرن ولودیمیر زلنسکی بیلدیریب کی، بو موباریزه اوشاق‌لاریمیز و نوه‌لریمیزین نئجه بیر دونیادا یاشایاجاغینا قرار وئره‌جک.

اوکراینا عسگرلری‌نین موباریزه‌سینی 1944-جو ایلده هیتلره قارشی دؤیوشن امریکا عسگرلرینه بنزه‌دن ولودیمیر زلنسکی دئییب: "اوکراینا هئچ واخت تسلیم اولمایا‌جاق".

اونلارا وئریلن تجهیزات دستکی‌نین واجیب اولدوغونو، لاکین کافی اولمادیغینی بیلدیرن زلنسکی دئییب:"روسیا بو سویقیریم سیاستینده اؤزونه متفیق تاپیب. ایران روسیایا آلت یاپیمیزی تهدید ائدن یوزلرله اؤلومجول پیلوت‌سوز اوچاق گؤندریب".

زلنسکی قئید ائدیب کی، اونلار امریکا پرزیدنتی جو بایدن ایله اوکراینانین 10 ماده‌لیک باریش  فرمولو تکلیف‌لرینی موذاکیره ائدیب‌لر.

"گله‌جک اون ایل‌لیک‌لر اوچون عمومی تهلوکسیزلیگیمیزی تامین ائتمک اوچون بون‌لاری حیاتا کئچیرمه لییک،-دئیه اوکراینا لیدری وورغولاییب.

بو چرچیوه ده باریش ایجلاسی تشکیل ائتمک تکلیفی ایله چیخیش ائتدیک‌لرینی بیل‌دیرن زلنسکی بایدنین ده تکلیف ائتدیک‌لری باریش تشببوسونو دستکلمه‌سیندن ممنون اولدوغونو بیلدیریب.

ولودیمیر زلنسکی همچنین روسیایا قارشی تحریم لری سرعتلشدیرمه‌یه چاغیریب.