ولودیمیر زلنسکی امریکایا سفری‌نین مقصدینی آچیقلاییب
اوکراینا پرزیدنتی ولودیمیر زلنسکی بو گون امریکایا سفر ائده‌جک.
آغ ائوین سؤزچوسو کارین ژان پی‌یری وئردیگی یازیلی آچیقلامادا امریکا پرزیدنتی جو بایدنین امریکانین اوکراینانین یانیندا اولدوغونو وورغولاماق اوچون اوکراینا پرزیدنتی ولودیمیر زلنسکینی پایتاخت واشینگتنونا دعوت ائتدیگینی بیلدیریب.
"پرزیدنت بایدن پرزیدنت زلنسکینی بو گون آغ ائوده قارشیلاماغی صبیرسیزلیکله گؤزلییر" دئین کارین ژان پی‌یر ولودیمیر زلنسکی‌نین کنگره عضو‌لرینه مراجعت ائدجگینی بیلدیریب.
قئید ائدک کی، اوکراینا لیدری ولودیمیر زلنسکی رسمی اینترنت صحیفه‌سینده ائتدیگی پای‌لاشیمدا دئییب.
"اوکراینانین دایانیق‌لیغینی و ساوونما قابیلیتینی گوجلندیرمک اوچون امریکایا گئدیرم. پرزیدنت بایدن ایله خصوصاً ده اوکراینا و امریکا آراسیندا امکداش‌لیغی موذاکیره ائدجییک. کنگره عضو‌لرینه مراجعت ائده‌جه‌یم و ایکی طرف‌لی گؤروش‌لر کئچیره‌جه‌یم"، - دئیه ولودیمیر زلنسکی وورغولاییب.
