کنگودا قتل‌عام: ۲۷۲ وطنداش اؤلدورولدو
عصیانچی قروپون سالدیریسیندا ۱۷سی اوشاق اولماقلا ۲۷۲ مولکی وطنداشین حیاتینی ایتیردیگی بیلدیریلدی
کنگو دموکراتیک جمهوریتینین دوغوسونداکی قوزئی کیوو ایالتینده عصیانچیلارین ۲ دسامبر گئجه‌سی تشکیل ائتدیگی سالدیریدا ۲۷۲ مولکی وطنداشین حیاتینی ایتیردیگی بیلدیریلدی.
کنگو دموکراتیک جمهوریتی صنایع باخانی و اسکی قوزئی کیوو والیسی ژولین پالوکو، قوزئی کیوو ایالتینین روتشورو بؤلگه‌سینه باغلی کیشیشه قصبه‌سینده ۲۳ مارس حرکتی (ام۲۳) آدلی عصیانچی قروپ عضولرینین ۲ دسامبر گئجه‌سی حیاتا گئچیردیکلری سالدیرییا باغلی آچیقلامالار وئردی.
سالدیرینی قتل عام اولاراق دگرلندیرن پالوکو، ۱۷سی اوشاق اولماقلا ۲۷۲ مولکی وطنداشین حیاتینی ایتیردیگینی بیلدیردی.
پالوکو، حادثه ایله باغلی عدلیه باخانینین اولوسلارآراسی جزا محکمه‌سی طرفیندن سوروشدورما طلب ائتمک اوچون لاهه‌یه گئتدیگینی بیلدیردی.
اؤلکه‌نین دوغوسوندا ام۲۳ عضولری ایله گوونلیک گوجلری آراسیندا ۲۰۲۱.جی ایلین نومبرین‌دان بری شدت‌لی چاتیشمالار باش وئریر.
کنگو دموکراتیک جمهوریتی حکومتی، قوزئی کیوو ایالتینین مرکزی گومانی اله گئچیرمه‌سیندن قورخدوغو ام۲۳ قروپونو رواندانین دستکلدیگینی ادعا ائدیر.
رواندا ادعالاری رد ائدرکن، ایکی اؤلکه آراسیندا سیاسی و دیپلوماتیک گرگینلیک داوام ائدیر.
بیرلشمیش میللتلر تشکیلاتینین راپورلارینا گؤره، کنگو دموکراتیک جمهوریتی سرحدلرینده چیخاریلان بعضی قیمتلی متاللار، سرحد بؤلگه‌لرین‌ده‌کی عصیانچیلار طرفیندن قونشو اؤلکه‌لره آپاریلیر.
ایلگیلی‌لی خبرلر
اونروا غزه زولاغینین قوزئیینه اینسانی یاردیم گؤتوروب
اونروا آتیش‌کسین غزه خالقینین حیاتینی خیلاص ائتمک اوچون یگانه اومید اولدوغونو وورغولاییب
