سودانین حربی حاکمیتی ایله موخالیفت آراسیندا سازیش ایمضالانیب

سودانین حربی حاکمیتی ایله اؤلکه‌نین ان بؤیوک موخالیفت کوالیسیونو اولان "آزادلیق و دییشیک‌لیک" آراسیندا ایکی ایللیک کئچید دؤورو حاقیندا سازیش ایمضالانیب.

بو باره‌ده راضیلاشما سندی‌نین ایمضالانماسی مراسیمینی جانلی یاییملایان "الحداس" کانا‌لی معلومات یاییب.

قئید اولونوب کی، اؤلکه‌دکی سیاسی بحرانین قارشی‌سینی آلماق اوچون راضیلاشما بو گون پایتاخت خارطوم شهرینده ایمضالانیب و الده اولونموش راضیلاشمایا اساساً سودان-دا یاخین واخت‌لاردا باش ناظیر تعیین ائدیلمه‌لی‌دیر.

راضیلاشمانین شرط‌لرینه اساساً، باش ناظیر راضیلاشما سندینی ایمضالایان وطنداش تشکیلات‌لاری‌نین نوماینده‌لری سیراسیندان سئچیلمه‌لی‌دیر و حکومت باشچی‌سی سئچیلدیگی آندان اعتباراً ایکی ایللیک کئچید دؤورو تطبیق ائدیله‌جک کی، بو دا اوموممیل‌لی سئچکی ایله باشا چاتما‌لی اولا‌جاق.

علاوه اولونوب کی، اؤلکه پرزیدنتی پوستونا نامیزد ده مولکی شخص‌لرین سیراسیندان سئچیله‌جک و او اؤلکه‌نین سلاح‌لی قوه‌لری‌نین باش قوموتانی اولا‌جاق.