امریکا و چین ساوونما ناظیرلری گوروشوب

گؤروش ایکی ناظیرین ژوئن آییندا سینگاپوردا کئچیریلن شانگری-لا دیالوق ساوونما فورومون‌دان سونرا بو ایل ایکینجی تکبتک گؤروشو اولوب.

1909398
امریکا و چین ساوونما ناظیرلری گوروشوب

امریکانین ساوونما ناظیری لوید آستین و چین ساوونما ناظیری ژنرال وی فینگی گونئی-دوغو آسیا میللت‌لری بیرلیگی‌نین (آسه آن) گئنیش لنمیش ساوونما ناظیرلری توپلانتی‌سی اوچون گئتدیک‌لری کامبوجانین سیم ریپ شهرینده گؤروشوب‌لر.

گؤروش ایکی ناظیرین ژوئن آییندا سینگاپوردا کئچیریلن شانگری-لا دیالوق ساوونما فورومون‌دان سونرا بو ایل ایکینجی تکبتک گؤروشو اولوب.

امریکا ساوونما ناظیرلیگی‌نین سؤزچوسو پت رایدر گؤروشله باغلی وئردیگی آچیقلامادا بیلدیریب: "لوید آستین چین حربی ماشین‌لاری‌نین هیند-ساکیت اقیانوس بؤلگه‌سینده آرتان تهلوکه‌لی حرکت‌لریندن ناراحات‌لیغینی ایفاده ائدیب. بئله کی، چین اوچاق لارینین تهلوکه‌لی داورانیشی بؤلگه‌ده قضا ریسکینی آرتیریب. ایستراتژی ریسک‌لری آزالتماق و عملیات تهلوکه‌سیزلیگینی تامین ائتمک اوچون دیالوقا احتیاج وار".

سؤزوگئدن گؤروشله باغلی چین طرفی هله‌لیک آچیقلاما وئرمه‌ییب.

خاطیرلاداق کی، ایکی اؤلکه‌نین ساوونما ناظیرلری‌نین گؤروشو اؤتن هفته اندونزیادا کئچیریلن گ-20 ایجلاسی چرچیوه‌سینده امریکا و چین باشچی‌لاری‌نین گؤروشون‌دن سونرا اولوب. گؤروش زامانی امریکا پرزیدنتی جو بایدن چین-‌لی همکاری شی جین پینگه بیلدیریب کی، ایکی اؤلکه آراسیندا رقابتین موناقیشه‌یه چئوریلممه‌سی اوچون ایله تیشیم کانال‌لاری آچیق ساخلانیلما‌لی‌دیر.



ایلگیلی‌لی خبرلر