سلاحلی چاتیشمادا ۱۸ نفر اؤلدو
کلمبیا دئوریمچی سلاحلی گۆجلرین سلاح بوراخمایان بعضی عضولری ایله سرحد کماندولاری آدلی سلاحلی قروپ آراسیندا چاتیشما چیخدی
کلمبیادا کلمبیا دئوریمچی سلاحلی گۆجلری (فارک)ین سلاح بوراخمایان بعضی عضولری ایله "سرحد کماندولاری" آدلی سلاحلی قروپ آراسیندا باش وئرهن چاتیشمادا ۱۸ نفر اؤلدو.
پوتومایو یؤنهتیم مرکزینه باغلی پوئرتو گوزمان قصبهسیندهکی لوس پینوس ایله لاس دلیسیاس کندلرینده چاتیشمالار باش وئردی.
ایکی سلاحلی قروپ آراسیندا چیخان چاتیشمادا ۱۸ نفر حیاتینی ایتیردی.
پوئرتو گوزمان بلدیه باشقانی ادیسون گراردو مورا روخاس، وئردیگی آچیقلامادا، فارک ایله "سرحد کماندولاری" آراسیندا باش وئرهن چاتیشمادا ۱۸ نفرین اؤلدوگونو تصدیق ائتدی.
روخاس، جسدلرین عدلی طب مرکزینه آپاریلدیغینی، هلهلیک هانسی طرفدن نئچه نفرین اؤلدوگونو بیلمهدیکلرینی دئدی.
فارک، یاریم عصردن چوخ داوام ائدن چاتیشما گئچمیشیندن سونرا، ۲۷ ژوئن ۲۰۱۷.جی ایلده الینده اولان سون سلاحی مراسیمله بیرلشمیش میللتلر تشکیلاتینا تحویل وئرمیشدی.