کلمبیادا فوق العاده وضعیت اعلان ائدیلیب

کلمبیادا بیر مدت‌دیر تأثیرلی اولان لئیسان یاغیش‌لارین سبب اولدوغو سئل و تورپاق سوروشمه‌لری سببیندن بعضی بؤلگه‌لرده فوق العاده وضعیت اعلان ائدیلیب.

پرزیدنت گوستاوو پترو لئیسان یاغیشلاریندان‌ مین‌لرله اینسانین ضرر چکدیگینی بیلدیریب:

"جاری ایل هم فوق العاده حال‌لاردا، هم ده مهم مسئله‌لرده بیرلیکده چالیشماغی آرزو ائدیرم، چونکی بو گون فوق العاده وضعیتی اعلان ائتمه‌لییم و بو، بیر نئچه عصرلیک بشریتین فعالیتی‌نین نتیجه‌سی‌دیر" ایفاده‌سینی ایشلدیب.

ایقلیم بحرانی‌نین اؤلکه‌ده ایللرله ییغیلیب قالان و حل ائدیله بیلمه‌ین پروبلئم‌لره جدی تأثیر ائتدیگینی خاطیرلا‌دان پترو خرونیکی پروبلئم‌لره حل یول‌لاری تاپا‌جاق‌لارینی دئییب.

گوستاوو پترو دؤولت بودجه سی‌نین احتیاجی اولان‌لار اوچون فعال شکیلده ایستیفاده اولوناجاغینی وورغولایا‌راق، "کلمبیادا فوق العاده وضعیتی اعلان ائتدیگیمیز اوچون داها بؤیوک مالیه ایمکان‌لاریمیز اولا‌جاق و خرج‌لر موختلیف بؤلگه‌لره گؤره ائدیله‌جک" دئییب.