بنگلادش-ده اؤلن‌لرین سایی آرتیر

بنگلادش-ده سون گون‌لر باش وئرن تروپیک سیترانگ قاسیرغاسی نتیجه‌سینده حیاتینی ایتیرن‌لرین سایی 31-ا چاتیب.

رسمی‌لر قاسیرغانین اؤلکه داخیلینده بؤیوک فسادلار تؤرتدیگینی و 10 میلیونا یاخین اینسانی کؤچکون وضعیتینه سالدیغینی بیلدیریب.

حکومت اینسان‌لاری داها تهلوکه‌سیز اراضی‌لره تخلیه ائدیر.

اؤلکه‌نین 16 بؤلگه‌سینه زیان ووران قاسیرغا نتیجه‌سینده ان چوخ اؤلوم چیتاگونگ لیمان شهری‌نین میرشارای شهرینده قئیده آلینیب.

میرشارای ساحل‌لرینده باش وئرمیش قاسیرغاداایتکین دوشن 4 ایشچی‌نین جسدی تاپیلیب، دیگر 4-نون آختاریش‌لاری داوام ائتدیریلیر.

دیگر شهرلرده ایسه فیرتینا نتیجه‌سینده هله کی 27 نفرین اؤلدوگو بیلدیریلیر.

سیترانگ قاسیرغاسی‌نین سبب اولدوغو بنگال کؤرفزینده باش وئرن داشقین‌لار هیندوستانین قوزیی-دوغوسونداکی آسام ایالتینده 1100-دن چوخ اینسانیین ضرر چکمه‌سینه سبب اولوب.

رسمی‌لر فیرتینانین اکین ساحه‌لرینه ده بؤیوک زیان ووردوغونو قئید ائدیب.