سئرگی شویگو چین-لی و هیندیستان-لی همکارلاری ایله گوروشوب
سئرگی شویگو چین-لی و هیندیستان-لی همکارلاری ایله اوکراینا مسئلهسینی موذاکیره ائدیب.
روسیانین ساوونما ناظیری سئرگی شویگو چین-ین ساوونما ناظیری وی فنگ و هیندوستانین ساوونما ناظیری راجنات سینگ ایله اوکرایناداکی وضعیتی موذاکیره ائدیب.
روسیا ساوونما ناظیرلیگیندن وئریلن آچیقلامایا گؤره، شویگو وی فنگ و سینگ ایله آیری-آیریلیقدا تلفونلا دانیشیب.
اوکرایناداکی وضعیتین موذاکیره اولوندوغو تلفون دانیشیقلاریندا شویگو "اوکراینانین چیرکلی بومبادان (ترکیبینده رادیواکتیو ماتئریال اولان بومبا) ایستیفاده ائدهرک تخریبات کاراکتئرلی آددیملار آتماسی احتیمالیندان ناراحاتلیغینی" ایفاده ائدیب.
قئید ائدک کی، سئرگی شویگو اوکتبرین 23-ده تورکیه ایله یاناشی امریکا، فرانسا و اینگیلتره-لی همکارلاری ایله تلفون دانیشیقلاریندا "چیرکلی بومبا" مسئلهسینی موذاکیره ائدیب.
امریکا، اینگیلتره و فرانسا خاریجی ایشلر ناظیرلری دانیشیقلاردان سونرا وئردیکلری بیرگه بیاناتدا روسیانین ادعالارینی رد ائدهرک گرگینلیگی آرتیرماق اوچون ایستیفاده ائدیلهجک بهانهلری قبول ائتمهیهجکلرینی بیلدیریبلر.
ایلگیلیلی خبرلر
اونروا غزه زولاغینین قوزئیینه اینسانی یاردیم گؤتوروب
اونروا آتیشکسین غزه خالقینین حیاتینی خیلاص ائتمک اوچون یگانه اومید اولدوغونو وورغولاییب