پاکیستانلی ژورنالیست کنیادا اؤلدورولوب
پاکیستان-لی ژورنالیست و تلویزیون شووسونون آپاریجیسی ارشاد شریف کنیانین پایتاختی نایروبی-ده نامعلوم شخصلرین سلاحلی هوجومو نتیجهسینده اؤلدورولوب.
پاکیستان-لی ژورنالیست و تلویزیون شووسونون آپاریجیسی ارشاد شریف کنیانین پایتاختی نایروبی-ده نامعلوم شخصلرین سلاحلی هوجومو نتیجهسینده اؤلدورولوب.
اؤلکه مطبوعاتیندا یئر آلان خبرلره گؤره، ژورنالیست شریفین حیات یولداشی جاوریا صدیقی تویتئر حسابیندا مشهور آپاریجینین سلاحلی هوجومدا حیاتینی ایتیردیگینی بیلدیریب.
ژورنالیستین اؤلوموندن سونرا پرزیدنت عارف علوی و باش ناظیر شهباز شریف باشدا اولماقلا بیر چوخ اینسان باش ساغلیغی مئساژی یاییب.
بعضی ژورنالیستلر شریفین اؤلومونده حکومتی و اوردونو گوناهلاندیریب.
کئچمیش باش ناظیر عمران خانین قاتی طرفداری اولان شهباز شریف حکومتینی و اوردوسونو سرت تنقید ائتمهسی ایله تانینیردی.
خاطیرلاداق کی، ARY News تلویزیونوندا عمران خانین رهبرلیک ائتدیگی پاکیستان عدالت حرکاتی (PTI) پارتیاسینین باش قرارگاه رئیسی شهباز گیل ایله بیرلیکده حاضیرلادیغی پروقرامدان سونرا محکمه قارشیسینا چیخاریلان ارشاد شریف بوندان سونرا آوقوست آییندا اینگیلترهنین پایتاختی لندونا گئدیب.
شریفین کنیایا نیه گئتدیگی هله کی، معلوم دئییل.
ایلگیلیلی خبرلر
روسیهنین اوکراین راکت هوجوملاری
روسیهنین اوکراینین دنیپروپترووسک ویلایتینه راکت هوجوملاری نتیجهسینده ۸ نفر اؤلوب، 29 نفر یارالانیب