ساخاروو اؤدولونه "اوکراینا خالقی"  لاییق گؤرولدو

آوروپا پارلمانینین هر ایل اینسان حاقلاری و دوشونجه اؤزگورلوگو ساحه‌سینده وئردیگی ساخاروو اؤدولونه بو ایل "اوکراینا خالقی"  لاییق گؤرولدو.

آوروپا پارلمانی باشقانی روبرتا متسولا، فرانسانین استراسبورگ شهرینده آوروپا پارلمانی باش قورولو داوام ائدرکن اؤدولون "جسور اوکراینا خالقینا" وئریلدیگینی آچیقلادی.

اؤدولون روسیایا قارشی "ساواشان، قاچماغا مجبور ائدیلن، یاخینلارینی و دوستلارینی ایتیرن، اینانجلاری اوغروندا موباریزه ائدن" اوکراینالیلارا وئریلدیگینی بیلدیره‌ن متسولا، "جسور اوکراینا خالقینین هئچ واخت وازگئچمه‌یه‌جگینی بیلیرم. بیز ده وازگئچمه‌یه‌جه‌ییک" دئدی.

متسولا، روسیانین ۲۴ فوریه‌ده باشلاتدیغی ساواشن اوکراینا خالقینا چوخ باها باشا گلدیگینی، اوکراینالیلارین ساده‌جه اؤز ائولری، تورپاقلاری، موستقیللیکلری اوچون دئییل، هم ده دموکراسی، حقوقون اوستونلوگو و آوروپا دگرلری اوغروندا ساواشدیغینی بیلدیردی.

آدینی سووئت فیزیکچی و سیاسی مخالف آندری ساخاروودان آلان اؤدول، آوروپا پارلمانی طرفیندن ۱۹۸۸.جی ایلده‌ن بری هر ایل دوشونجه اؤزگورلوگونو ساوونان شخصلره و یا قوروملارا وئریلیر.

بو ایلکی اؤدول مراسیمی ۱۴ دسامبردا استراسبورگدا آوروپا پارلمانی باش قورولو چسیراسیندا تشکیل ائدیله‌جک.

ساخاروو اؤدولو اؤتن ایل روس مخالف آلکسی ناوالنییه وئریلمیشدی.