نیجریه-ده سلاحلی هوجوم نتیجه سینده 18 نفر اولوب
نیجریه-نین بنوئه ایالتینده تؤرهدیلن سلاحلی هوجوم نتیجهسینده 18 نفر حیاتینی ایتیریب
1895588
نیجریه-ده حیواندارلیقلا مشغول اولان فولانی ایجمالاری ایله اکینچیلر آراسیندا زامان زامان قارشیدورمالارین یاشاندیغی بنوئه ایالتینده تؤرهدیلن سلاحلی هوجوم نتیجهسینده 18 نفر حیاتینی ایتیریب.
یئرلی پولیس واله عاباسین وئردیگی آچیقلامادا اوکتبرین 18-ده ایالتده حیواندارلیقلا مشغول اولان فولانی ایجماسیندان 5 نفرین اؤلدورولمهسیندن سونرا قبژی بؤلگهسینده انتقام هوجومونون حیاتا کئچیریلدیگینی بیلدیریب.
عاباس قئید ائدیب کی، هوجومدا بیری پولیس مامورو اولماقلا 18 نفر اؤلوب، چوخ سایدا آدام یارالانیب.
بنوئه ایالتینین بلدیه صدرینین تهلوکهسیزلیک مسئلهلری موشاویری پل همبا یارالیلارا طبی یاردیم گؤستریلدیگینی، تهلوکهسیزلیک قوهلرینین بؤلگهیه گؤندریلدیگینی و حادثه ایله باغلی آراشدیرما باشلاندیغینی بیلدیریب.