امریکا روسیانین اوکراینایا هوجوم‌لارینی پیسله‌ییب
امریکا-دا آغ ائوین سؤزچوسو کارین ژان پیر روسیانین اوکراینایا راکت هوجوم‌لارینی پیسله‌ییب و اوکراینایا لازیمی ساوونما دستکی وئرمه‌یه داوام ائده‌جک‌لرینی بیلدیریب.
امریکا-دا آغ ائوین سؤزچوسو کارین ژان پیر روسیانین اوکراینایا راکت هوجوم‌لارینی پیسله‌ییب و اوکراینایا لازیمی ساوونما دستکی وئرمه‌یه داوام ائده‌جک‌لرینی بیلدیریب.
کارین ژان پیر آغ ائوده تشکیل ائتدیگی گونده‌لیک مطبوعات کنفرانسیندا بو باره‌ده دئییب کی، امریکا روسیانین اوکراینایا راکت هوجوم‌لارینی پیسلییر. بو هوجوم‌لار روسیانین قددارلیغینی گؤستریر.
امریکا پرزیدنتی جو بایدنین اوکراینا‌لی همکاری ولودیمیر زلنسکی ایله تئز-تئز گؤروشدوگونه دقت چکن کارین ژان پیر اوکراینایا لازیمی ساوونما دستکی وئرمه‌یه داوام ائده‌جک‌لرینی وورغولاییب.
زلنسکی‌نین "روسیا ایران اوره تیمی اولان کامیکازه سیها-لاردان (سلاح‌لی پیلوتسوز اوچوش آراج لاری) ایستیفاده ائدیر" ایفاده‌لرینی دیرلندیرن کارین ژان پیرخاطیرلادیب کی، امریکا بو مسئله ایله باغلی داها اول خبردارلیق ائتمیشدی.
"بیز ایران و روسیایا سلاح تیجارتینه گؤره تحریم لر تطبیق ائتمه‌یه داوام ائدجییک. ایرانین روسیایا سلاح ساتماسینی چتینلشدیرمه‌یه چالیشاجاغیق"، -دئیه کارین ژان پیر قئید ائدیب.
ایران اوره تیمی اولان سیها-لارین روسیا طرفیندن اوکراینا‌داکی هم سیویل، هم ده حربی هدف‌لره قارشی ایستیفاده ائدیلدیگینی دیله گتیرن سؤزچو دئییب:
"کیئوین شهر مرکزینه ایران اوره تیمی اولان پیلوتسوز اوچوش آراج لاری هوجوم‌لاری‌نین گؤرونتولری وار، لاکین ایران بو باره‌ده یالان دانیشماغا داوام ائدیر".
