فیلیپو گراندی یئنی‌دن بمت-نین قاچقین‌لار عالی کمیساری وظیفه‌سینه سئچیلیب

بیرلشمیش میللت‌لر تشکیلاتی‌نین (بمت) قاچقین‌لار عالی کمیساری فیلیپو گراندی بمت عمومی مجلیسی‌نین قراری ایله وظیفه‌سینه یئنی‌دن تعیین ائدیلیب.

بمت-دن یاییلان معلوماتدا بیلدیریلیب کی، بمت عمومی مجلیسینه عضو دؤولت‌لرله مصلحت‌لشه‌رک فیلیپو گراندی‌نین 1 جولای 2023-جو ایلده باشا چاتا‌جاق وظیفه مدتی‌نین 31 دسامبر 2025-جی ایله قدر اوزادیلماسینا قرار وئریب.

قئید ائدیلیب کی، گراندی شخصی سبب‌لره گؤره ایکینجی وظیفه مدتی‌نین 2،5 ایل ایله محدودلاشدیریلماسینی ایسته‌ییب.

1957-جی ایلده آنا‌دان اولان ایتالیان دیپلومات گراندی 1990-جی ایللرده اینسانی یاردیم و قاچقین‌لار اوزرینده ایشلمه‌یه باشلاییب.

دونیانین موختلیف یئرلرینده بمت-نین چتیری آلتیندا چالیشان گراندی 2005-جی ایلده بمت-نین فیلیسطین قاچقین‌لار آژانسی‌‌نین باش کمیساری‌نین معاوینی اولوب.

2010-2014 -جو ایللرده همین آژانسین باش کمیساری اولموش فیلیپو گراندی 2016-جی ایلده بمت-نین قاچقین‌لارعالی کمیسارلیغینا تعیین ائدیلیب.