آمریکادان ایرانین ال قویدوغو دنیز آراجلاری ایله باغلی آچیقلاما
ایرانین گئچه‌ن هفته قیزیل دنیزده ال قویدوغو ایکی آمریکا اینسانسیز دنیز آراجینا قوشولموش کامئرالارین ایتدیگی بیلدیریلدی
آمریکا ساوونما باخانلیغی، ایرانین قیزیل دنیزده اله گئچیردیگی آمریکانین اینسانسیز دنیز آراجلارینین کامرالارینین اسکیک اولدوغونو و بونلارین ایران گوجلرینین الینده اولوب اولمادیغینی بیلمه‌دیکلرینی آچیقلادی.
باخانلیق سؤزچوسو ژنرال پاتریک ریدر، گونلوک مطبوعات توپلانتیسیندا سواللاری جاوابلاندیردی.
ایرانین گئچه‌ن هفته قیزیل دنیزده ال قویدوغو ایکی آمریکا اینسانسیز دنیز آراجینا قوشولموش کامئرالارین ایتدیگی بیلگیسینی تائید ائدن ریدر،
"بونلار حساس تکنولوژیسی اولمایان بازاردا اولان کامئرالار ایدی. او کامئرالارا نه اولدوغو قونوسوندا بیلگیم یوخ. دولاییسیلا ایرانین اونلاری آلدیغینی تائید ائده‌بیلمره‌م" دئدی.
آمریکالی ژنرال، حربی و یا حساس تکنولوژییه صاحیب کامئرالار اولمادیغی اوچون آمریکانین بو کامئرالاری تاپماغا چالیشیب چالیشمایاجاغیندان دا آرخایین اولمادیغینی سؤیله‌دی.
ایران، ۲ سپتامبردا قیزیل دنیزده آمریکایا عاید ایکی اینسانسیز دنیز آراجینا "دنیز گوونلیگینی تهدید ائتدیگی" سبب گؤستررک، ال قویدوغونو اچیقلامیشدی.
آمریکانین بؤلگه‌یه ایکیساواش گمیسی گؤندرمه‌سیندن سونرا ایران دونانماسی ایکی دنیز آراجینی بوراخمیشدی.
