اوکراینا آوروپا بیرلیگینه گاز وئرهجک
اوکراینانین باش ناظیری دنیس شمیگال اؤلکهسینین 30 میلیارد متر مکعب طبیعی گاز انبارلارینین بیر حیسهسینی (آوروپا بیرلیگی) اؤلکهلرینه گؤندرجگینی بیلدیریب.
اوکراینانین باش ناظیری دنیس شمیگال اؤلکهسینین 30 میلیارد متر مکعب طبیعی گاز انبارلارینین بیر حیسهسینی (آوروپا بیرلیگی) اؤلکهلرینه گؤندرجگینی بیلدیریب.
بلژیک-ین پایتاختی بروکسل-ده کئچیریلن آوروپا بیرلیگی - اوکراینا طرافداشلیق شوراسینین ایجلاسیندان سونرا دنیس شمیگال آوروپا بیرلیگینین خاریجی علاقهلر و تهلوکهسیزلیک سیاستی عالی نومایندهسی جوزپ بورل ایله بیرگه مطبوعات کنفرانسی کئچیریب.
دنیس شمیگال خاطیرلادیب کی، آوروپا بیرلیگی روسیادان انرژی آسیلیلیغیندان قورتولماغا چالیشیر:
"روسیادان اهمیتلی میقداردا وارداتی اؤدهیه بیلریک. حاضیردا طبیعی گاز انبارلاریمیزدا 30 میلیارد متر مکعب گاز وار. بونون بیر حیسهسینی آوروپالی طرفداشلاریمیزا تکلیف ائدجییک".
قئید ائدک کی، آوروپانین تخمینن 113 میلیارد متر مکعب طبیعی گاز آنبارلاریندا 91،1 میلیارد متر مکعب گاز وار. آوروپا بیرلیگی اؤلکهلری ایلده 400 میلیارد متر مکعب طبیعی گازدان ایستیفاده ائدیرلر.
روسیانین "قوزیی آخینی 1" بورو کمریندن گاز آخینینین کسیلمهسینین آوروپادان اوکراینایا دستکینه تأثیر گؤسترجگی ایله باغلی ناراحاتلیقلاری اولوب-اولماماسی ایله باغلی سوالا شمیگال بیلدیریب کی، بو، روسیانین یایماق ایستهدیگی ریتوریکادیر:
"روسیا حاضیردا آوروپایا قارشی هیبرید محاربه آپاریر. او، گاز و نفتی شانتاژ ائدیر. ارزاق و کوچ بحرانی یارادیر. دزینفورماسیون و سیبرهوجوملار ائدیر. اوکراینا محاربهدن یورولوب، لاکین اوکراینانی روسیایا قارشی تک بوراخماق، روسیانینین آوروپایا داها دریندن نفوذ ائتمهسی اوچون ایلک آددیم اولاجاق. آوروپانین یگانه خلاصی اتفاق داخیلینده G7 و اوکراینا ایله بیرلیکده حرکت ائتمکدهدیر. بو، یئمک و یا حسابلار اوغروندا محاربه دئییل. بو، آوروپا دیرلری و دموکراسی، آزادلیق اوغروندا محاربهدیر".