اورزولا فن در لاین:"الکتریک بازاری آرتیق ایشلک بازار دئییل"

آوروپا بیرلیگی کمیسیونونون صدری اورزولا فن در لاین "آوروپادا الکتریک انرژی‌سی بازاری‌نین روسیا پرزیدنتی ولادیمیر پوتین اوزوندن دوزگون ایشله‌مه‌دیگینی" بیلدیریب.

دانیمارکادا کئچیریلن بالتیک دنیزی انرژی تهلوکه‌سیزلیگی ایجلاسی‌نین یئکونوندا آوروپا انرژی بازارینداکی سون پروسه لردن دانیشان اورزولا فن در لاین دئییب: "الکتریک انرژی‌سی‌نین باهالاشماسی‌نین اصل سببی گازدیر و خصوصاً ده پوتین‌ین مانیپوله ائتدیگی روسیا گازی‌دیر. پوتین طبیعی گازدان سلاح کیمی ایستیفاده ائدیر. بیز الکتریک انرژی‌سی بازاری‌نین ایشلمه‌سی اوچون عاجیل یاردیم مخانیزمی حاضیرلادیق و بو مؤوضوع دا اوزون مودت‌لی یاپیسال اصلاحاتی اوزرینده ایشلمه‌یه باشلادیق.

الکتریک بازاری آرتیق ایشلک بازار دئییل، چونکی پوتین کیمی اونو سیستم‌لی شکیلده مانیپوله و محو ائتمه‌یه چالیشان بیر آدام وار. بو وضعیته قارشی حرکته کئچمیشیک".

قئید ائدک کی، سون آیلار آوروپا اؤلکه‌لرینده الکتریک انرژیسی و طبیعی گاز قیمت‌لری تاریخی‌نین پیک حدینه چاتیب.