شولز:" آوروپا بیرلیگی داها اگمن و باشقالاریندان داها آز آسیلی اولما‌لی‌دیر"
آلمانیا باش ناظیری اولاف شولز دئییب کی، آوروپا بیرلیگی داها اگمن و باشقالاریندان داها آز آسیلی اولما‌لی‌دیر.
آلمانیا باش ناظیری اولاف شولز دئییب کی، آوروپا بیرلیگی داها اگمن و باشقالاریندان داها آز آسیلی اولما‌لی‌دیر.
آلمانیایا سفر ائدن ایسپانیانین باش ناظیری پدرو سانچز ایله بیرگه اورتاق مطبوعات کنفرانسیندا چیخیش ائدن شولز سؤزوگئدن مؤوضوع ایله باغلی دئییب: "آوروپا بیرلیگی داها اگمن و باشقالاریندان داها آز آسیلی اولما‌لی‌دیر. بیزه داخیلده بیرلیک و خاریجده قطعیت لازیم‌دیر.
تهلوکه‌سیزلیک مسئله‌سی چوخ احاته‌لی‌دیر، انرژی و خام مال، سوسیال بازار اقتصادیاتی و دموکراسی‌نین قورونماسی کیمی مسئله‌لری احتیوا ائدیر.
انرژی بازاریندا یوکسه‌لن قیمت‌لرین چوخ آرتماسی‌نین قارشی‌سی‌نین آلماق یول‌لاری موذاکیره ائدیلمه‌لی‌دیر.
مرکزی آوروپایا گاز تداروک ائتمک اوچون ایسپانیا ایله فرانسا آراسیندا بورو کمری‌نین چکیلمه‌سی ایمکان‌لاری حاقیندا دانیشیریرق. روسیا‌دان آزاد اولماق اوچون آوروپادا الکتریک، گاز و هیدروژن شبکه‌لری گئنیشلندیریلمه‌لی‌دیر.
گونش انرژی‌سی ایله زنگین اؤلکه‌لر اولان ایسپانیا و پورتوقالیا اوره تیمی آرتیرا‌راق انرژی صادر ائده بیلر.
اساس وظیفه‌میز بوتون انرژی منبع‌لرینی احاته ائدن آوروپا شبکه‌سی یاراتماق‌دیر".
ایسپانیانین باش ناظیری پدرو سانچز ده اؤز نؤوبه‌سینده چیخیش ائده‌رک بون‌لاری سؤیله‌ییب: "ایسپانیا-دا میللی تهلوکه‌سیزلیک ایستراتژیسی 2021-جی ایلین سونوندا یئنیلندی. روسیانین فوریه‌نین 24-دن اوکراینایا قارشی محاربه‌یه باشلایینجا بو ایستراتژی داها ضروری حالا گلدی.
محاربه اقتصادیاتا، آرتان قیمت‌لره و انرژی تجهیزاتینا تأثیر ائدیب. بیز بو محاربه‌نین یوکونون عدالت‌لی شکیلده پایلاشیلماسینی ایستییریک. آوروپا بیرلیک و دایانیشما ایچینده جاواب وئریر. منجه، دوغرو یول‌دور. آلمانیا و ایسپانیا امکداش‌لیق ائده‌جک".
