اولاف شولز جو بایدن، امانوئل ماکرون و بوریس جانسون ایله تلفونلا دانیشیب
آلمانیا باش ناظیری اولاف شولز امریکا پرزیدنتی جو بایدن، فرانسا پرزیدنتی امانوئل ماکرون و اینگیلتره باش ناظیری بوریس جانسون ایله تلفوندا اولوسلار آراسی مسئلهلری موذاکیره ائدیب.
آلمانیا باش ناظیری اولاف شولز امریکا پرزیدنتی جو بایدن، فرانسا پرزیدنتی امانوئل ماکرون و اینگیلتره باش ناظیری بوریس جانسون ایله تلفوندا اولوسلار آراسی مسئلهلری موذاکیره ائدیب.
آلمانیا حکومتینین سؤزچوسو اشتفن زایبرت وئردیگی یازیلی آچیقلامادا لیدئرلرین روسیانین تجاووزونه قارشی اؤزونو مدافعه ائتمک اوچون اوکراینایا وئریلن دستکین داوام ائتدیریلمهسی مسئله سینده راضیلاشدیقلارینی بیلدیریب.
لیدئرلرین اوکرایناداکی زاپوریژیا آتوم الکتریک سانترالینداکی وضعیتی ده موذاکیره ائتدیکلرینی وورغولایان اشتفن زایبرت قئید ائدیب کی، دؤولت و حکومت باشچیلاری سانترالین اطرافیندا حربی آددیملارا یول وئریلمهمهسینی و اولوسلار آراسی آتوم انرژیسی آژانسینین تئزلیکله سانترالا باش چکمهسینی طلب ائدیبلر.
اشتفن زایبرت ایران ایله آتوم سازیشی دانیشیقلارین و اورتا دوغوداکی وضعیتین، او جملهدن ایرانین بؤلگهدهکی داورانیشینین دا موذاکیره ائدیلدیگی بارهده معلوماتی پایلاشیب.
ایلگیلیلی خبرلر
اونروا غزه زولاغینین قوزئیینه اینسانی یاردیم گؤتوروب
اونروا آتیشکسین غزه خالقینین حیاتینی خیلاص ائتمک اوچون یگانه اومید اولدوغونو وورغولاییب