اردوغان: ساواش ماسا آرخاسیندا بیته‌جک
"بوتون مسئله، دانیشیقلار ماساسینا ان قیسا و عدالت‌لی یولو تاپماق‌دیر"
جمهورباشقانی رجب طب اردوغان،
"(اوکراینا-روسیا ساواشی) بوتون مسئله، دانیشیقلار ماساسینا ان قیسا و عدالت‌لی یولو تاپماق‌دیر" دئیه‌رک آراچیلیق رولو اویناماغا حاضر اولدوقلارینی بیلدیردی.
جمهورباشقانی اردوغان، رسمی گؤروشمه‌لر اوچون گئتدیگی اوکراینانین لویو شهرینده قونومداشی ولودیمیر زلنسکی و بیرلشمیش میللتلر تشکیلاتینین باش کاتیبی آنتونیو گوترش ایله اوچلو گؤروشمه‌لرین‌دن سونرا اوکراینانین لویو شهرینده تشکیل ائدیله‌ن اورتاق مطبوعات توپلانتیسین‌دا دانیشدی.
اردوغان،
"ایستانبول‌دا (مارس‌دا طرفلر آراسیندا گئچیریله‌ن دانیشیقلاردا) شکیلله‌نن پارامترلر اۆزریندن دانیشیقلارین جانلاندیریلماسی هدفینه یؤنه‌لیک آسانلاشدیریجی و یا آرا‌چی رولو اویناماغا حاضیریق" دئدی.
بۆتون مسئله‌نین دانیشیقلار ماساسینا ان قیسا و عدالت‌لی یولو تاپماق اولدوغونو وورغولایان اردوغان، دیپلوماتیک پروسه‌نین جانلاندیریلماسی اوچون اولوسلارآراسی توپلومون دستگینین اؤنمینه ایشاره ائد‌رک، ساواشین دانیشیقلار ماساسی آرخاسیندا بیته‌جگینه ایناندیغینی بیلدیردی.
جمهورباشقانی اردوغان آیریجا،
"زاپوروژیا نوکلئر مرکزی اطرافین‌دا داوام ائد‌ن چاتیشمادان قایغیمیزی بیلدیردیک. یئنی بیر چرنوبیل یاشاماق ایسته‌میریک" دئدی.
بو آرادا اوکراینا جمهورباشقانی زلنسکی، مطبوعات کنفرانسی اؤنجه‌سی جمهورباشقانی اردوغانلا ایکیلی گؤروشمه‌‌دن سونرا یازیلی آچیقلاما وئردی.
زلنسکی، جمهورباشقانی اردوغانین سفرینی گوجلو بیر دستک مئساژی کیمی دگرلندیررک،
"تورکیه جمهورباشقانینین اوکراینایا سفری، بئله بیر گوجلو اؤلکه‌دن گوجلو بیر دستک مئساژیدیر" ایفاده‌سینی ایشلتدی.
ایلگیلی‌لی خبرلر
کنگو دموکراتیک جمهوریتینده تورپاق سوروشمه‌سی نتیجه‌سینده 15 نفر اؤلوب
ایدیوفا شهری یاخینلیغینداکی لیماندا باش وئرن سوروشمه نتیجه‌سینده 15 نفر اؤلوب، 60 نفر ایتکین دوشوب
