"کووید-19" و میمون چیچگی ویروس‌لارینا یولوخان‌لارین ساییندا آرتیم اولوب

یولوخما سرعتی آرتان میمون چیچگی اپیدمیسینده دونیادا هفته‌لیک یولوخما‌لارین سایی 20 فایز آرتیب.

1869663
"کووید-19" و میمون چیچگی ویروس‌لارینا یولوخان‌لارین ساییندا آرتیم اولوب

یولوخما سرعتی آرتان میمون چیچگی اپیدمیسینده دونیادا هفته‌لیک یولوخما‌لارین سایی 20 فایز آرتیب.

دونیا ساغلیق تشکیلاتی‌نین باش مودیری تدروس آدهانوم قبریسوس تشکیلاتین ژنوده‌کی باش قرارگاهیندا کئچیردیگی مطبوعات کنفرانسیندا میمون چیچگی اپیدمیسی ایله باغلی سون حادثه‌لری دیرلندیریب.

ایلین اولیندن 93 اؤلکه‌ده میمون چیچگی خسته‌لیگینه راست گلیندیگینی قئید ائدن قبریسوس 16 آوقوست تاریخینه قدر اونلان مدتده ویروسا گؤره 12 نفرین اؤلدوگونو، یولوخما سایی‌نین ایسه 36 مین 412 اولا‌راق قئید ائدیلدیگینی بیلدیریب.

ان چوخ یولوخما حادثه‌سی‌نین هفته‌لیک اولا‌راق سون هفته‌ده موشاهیده ائدیلدیگینه دقت چکن قبریسوس سون 7 گونده تخمینن 7 مین 500 یئنی حادثه‌نین معین ائدیلدیگینی و هفته‌لیک یولوخما سایی‌نین 20 فایز آرتدیغینی وورغولاییب.

باش مودیر بیلدیریب کی، میمون چیچگی خسته‌لیگینه قارشی حاضیرکی چیچک ویروسو علیهینه واکسن‌لری تأثیرلی اولا بیلر، لاکین آشی تداروکو و افکتیو‌لیک درجه‌لری حاقیندا معلومات‌لار چوخ محدوددور.

دیگر طرف‌دن، یئنی نوع کوروناویروس (کووید-19) اپیدمیسی‌نین ناراحات‌لیق دوغورماغا داوام ائتدیگینی بیلدیرن قبریسوس سون بیر هفته‌ده دونیادا "کووید-19" اپیدمی سیندن تخمینن 15 مین اؤلومون قئیده آلیندیغینی، اؤلوم‌لرین اوولکی هفته ایله موقاییسه‌ده 35 فایز آرتدیغینی قئید ائدیب.

بو آرادا، دونیا ساغلیق تشکیلاتی صاحبیندن ویروسا یولوخموش ایتین میمون چیچگی خسته‌لیگینه یولوخدوغونو بیلدیریب.

فرانسادا گؤرولن بو ایلک حادثه " The Lancet " ژورنالیندا قئید اولونوب.



ایلگیلی‌لی خبرلر