فرانسادا یانغین نظارت آلتینا آلینیب

فرانسانین ژیروند بؤلگه‌سینده آوقوستون 9-دا باشلایان و تخمینن 74 کیلومتر مربع  ساحه‌ده تأثیرلی اولان یانغین نظارت آلتینا آلینیب.

بؤلگه‌ده یاغان یاغیشلا یانغین اؤز تأثیرینی ایتیررکن، ژیروند یانغین سؤندورمه رئیسی مارک ورمولن یانغی‌نین نظارت آلتینا آلیندیغینی، لاکین تامامیله سؤن‌دوروله بیلمه‌دیگینی آچیقلاییب.

ورمولن بؤلگه‌ده‌کی یول‌لارین نقلیاتا آچیلدیغینی و مئشه اراضی‌لرینه گئتمیین قاداغان ائدیلدیگینی بیلدیریب.

یئتکیلیلر 74 کیلومتر مربع اراضینی احاته ائدن یانغین نظارت آلتینا آلیندیقدان سونرا ژیروند-‌دن تخلیه ائدیلن مین‌لرله اینسانی ائولرینه قاییتماغا چاغیریب.

بیلدیریلیب کی، ژیروند-ده 1100 یانغین سؤندورن، ائله‌جه ده یانغین سؤندورن اوچاق آلوولا موباریزه آپاریر.

فرانسادا جاری ایل تأثیرلی اولان یانغین‌لاردا 600 مین کیلومترلیک مئشه ساحه‌سی کوله دؤنوب.