آوروپا بیرلیگی اؤلکه‌لری گاز مصرفینی 15 فایز آزالتماقلا باغلی راضیلیغا گلیب‌لر
آوروپا بیرلیگی کمیسیونونون صدری اورسولا فن در لاین سوسیال مئدیا حسابیندا گاز ایله باغلی فوق العاده وضعیت پلانی حاقیندا پای‌لاشیم ائدیب.
آوروپا بیرلیگی اؤلکه‌لری‌نین روسیا‌دان گاز آخینی‌نین کسیلمه‌سی احتیمالینا قارشی حاضیرلادیق‌لاری طبیعی گاز مصرفینی 15 فایز آزالتماق پلانی قوه‌یه مینیب.
آوروپا بیرلیگی کمیسیونونون صدری اورسولا فن در لاین سوسیال مئدیا حسابیندا گاز ایله باغلی فوق العاده وضعیت پلانی حاقیندا پای‌لاشیم ائدیب.
"آوروپا بیرلیگی میقیاسیندا طبیعی گاز طلبینی آزالتماق اوچون فوق العاده حال پلانیمیز حاضیردا قوه‌ده‌دیر" دئین ون در لاین مصرفی ان آز 15 فایز آزالتماق هدفله‌دیک‌لرینی ایفاده ائدیب.
ون در لاین انرژییه قناعتین آوروپانین انرژی تامینی تهلوکه‌سیزلیگی اوچون حیاتی اهمیت کسب ائتدیگینی وورغولاییب.
قئید ائدک کی، آوروپا بیرلیگی-نین روسیا‌دان طبیعی گاز آخینی‌نین کسیلمه‌سی احتیمالینا قارشی حاضیرلادیغی فوق العاده وضعیت پلانی عضو اؤلکه‌لرین گاز طلباتینی 1 آوقوست 2022-جی ایل و 31 مارس 2023-جو ایل تاریخ‌لری آراسیندا سون 5 ایلین اورتا گؤستریجی‌سیندن 15 فایز آزالتماغی نظرده توتور.
فوق العاده وضعیت اعلان اولونارسا 15 فایزلیک کسینتی‌نین مجبوری طلب ائدیلمه‌سی ده پلانا داخیل ائدیلیب، لاکین بونون اوچون اتفاق اها‌لی‌سی‌نین ان آزی 65 فایزینی تشکیل ائدن 15 اؤلکه‌نین تصدیقی لازیم‌دیر.
پلان هر ایل 45 میلیارد متر مکعب طبیعی گازا قناعت ائتمک مقصدی داشیییر.
دانیشیق‌لار نتیجه‌سینده ایتالیا و ایسپانیا کیمی بیر چوخ اؤلکه گاز مصرفی‌نین آزالدیلماسی پلانیندان آزاد ائدیلیب.
