آنتونیو گوترشین آتوم سلاحینا مالیک اؤلکهلره چاغیریشی
بیرلشمیش میللتلر تشکیلاتی (بمت) آتوم سلاحینا مالیک اؤلکهلری اؤز آتوم آرسناللاریندان ایلک ایستیفاده ائتمهمک عهده لیگینه عمل ائتمهیه چاغیریب.
بیرلشمیش میللتلر تشکیلاتی (بمت) آتوم سلاحینا مالیک اؤلکهلری اؤز آتوم آرسناللاریندان ایلک ایستیفاده ائتمهمک عهده لیگینه عمل ائتمهیه چاغیریب.
بمت-نین باش کاتیبی آنتونیو گوترش ژاپونیانین پایتاختی توکیودا کئچیریلن مطبوعات کنفرانسیندا آچیقلاما وئریب.
گوترش آتوم انرژیسینه مالیک اؤلکهلره خبردارلیق ائدیب کی، اولوسلار آراسی گرگینلیک آرتدیقجا آتوم سیلاحلانما یاریشی گئری قاییدیر.
گوترش آتوم سلاحی اولان اؤلکهلری بو سلاحلاردان بیرینجی ایستیفاده ائتمهمگی و آتوم سلاحی اولمایان اؤلکهلری تهدید ائتمهمگی عهده سینه گؤتورمهیه چاغیریب.
"من هئچ کیمین آتوم محاربهسی فیکرینی قبول ائده بیلمهیهجگینی دوشونمورم. بو، پلانتین فلاکتی اولاجاق. هئچ کیم آتوم سلاحیندان ایلک ایستیفاده ائتمهسه، آتوم محاربهسی اولمایاجاق"، دئیه گوترش قئید ائدیب.
گوترش 4 آوقوستدا اوکراینانین ان بؤیوک آتوم الکتریک سانترالینا صاحیب اولان زاپوروژیا شهرینین روسیا طرفیندن بومبالانماسی قارشیسیندا ایسه دئییب کی، آتوم الکتریک سانترالینا ائدیله بیلهجک بیر هوجوم اینتحاردیر.
سیلاحلانما یاریشینا میلیاردلارلا دولار خرجلندیگینه دقت چکن باش کاتیب بو پوللارین ایقلیم دییشیکلیگی، یوخسوللوق و اولوسلار آراسی توپلومون احتیاجلارینی اؤدمک اوچون ایستیفاده ائدیلمهسینین واجیبلیگینه دقت چکیب:
"ژئوسیاسی گرگینلیگین آرتدیغی و آتوم تهلوکهسینین یئنیدن یوکسلدیگی بیر واختدا ژاپونیانین باریش ایله باغلی گوجلو و آردیجیل موضعی هر زامانکیندن داها واجیبدیر".
بمت-نین باش کاتیبی گوترش 6 آوقوست 1945-جی ایلده آتوم بومباسی قوربانلارینین خاطرهسینی یاد ائتمک اوچون ژاپونیانین هیروشیما شهرینه سفر ائدیب.
ایلگیلیلی خبرلر
پاریسده عرقچیلیک و ایسلام دوشمنلیگینه قارشی اعتیراض کئچیریلیب
بوندان علاوه، 2023-جو ایلین یاییندا پولیس زوراکیلیغی نتیجهسینده اؤلن گنج ده تظاهراتدا آنیلیب