نانسی پلوسی تایوانا سفر ائدیب
امریکا نوماینده‌لر مجلیسی‌نین صدری نانسی پلوسی‌نین رهبرلیک ائتدیگی نوماینده هئیتینی داشییان اوچاق دونن آخشام ساعات‌لاریندا تایوانا چاتیب.
امریکا نوماینده‌لر مجلیسی‌نین صدری نانسی پلوسی‌نین رهبرلیک ائتدیگی نوماینده هئیتینی داشییان اوچاق دونن آخشام ساعات‌لاریندا تایوانا چاتیب.
نانسی پلوسینی داشییان "بوئینگ ج-40" حربی طیاره‌سی تایوانین هاوا مکانینا داخیل اولا‌راق تایپه سونشان هاوا لیمانینا ائنیش ائدیب.
رسمی توییتر صحیفه سینده پای‌لاشیم ائدن نانسی پلوسی تایوان رهبرلیگی ایله دانیشیق‌لاری‌نین اورتاق ماراق‌لاری دستکله‌یه‌جگینی وورغولاییب.
"تایوان رهبرلیگی ایله موذاکیره‌لریمیز طرفداشیمیزا دستکیمیزی بیر داها تصدیقلمک و آزاد و آچیق هیند-ساکیت اقیانوس بولگه‌سینی اینکیشاف ائتدیرمک ده داخیل اولماقلا، اورتاق ماراق‌لاریمیزی تشویق ائتمک اوزرینده قورولا‌جاق. سفر امریکانین تایوان دموکراسی‌سینی وئردیگی دستکی نوماییش ائتدیردی"،-دئیه نانسی پلوسی پای‌لاشیمیندا وورغولاییب.
دیگر طرف‌دن چین کمونیست پارتیاسی‌نین مئدیا اورقانی اولان "گلوبال تایمز" پلوسی‌نین طیاره‌سی تایوانا یاخینلاشارکن چینه مخصوص "اس-35 ساواش طیاره‌لری‌نین تایوان بوغازیندان کئچدیگینی بیلدیریب.
جولای‌ین 29-دا یولا دوشن نانسی پلوسی سینگاپور و مالزیادا دانیشیق‌لار آپاریب.
خاطیرلاداق کی، آوریل آییندا یئنی نوع کوروناویروسا یولوخان نانسی پلوسی تایوانا پلانلاشدیردیغی سفرینی لغو ائتمیشدی.
