دوجاریک: "آنتونیو گوترش ایلک تیجارت گمی‌سی‌نین یولا دوشمه‌سینی آلقیشلاییب"

بمت باش کاتیبی‌نین سؤزچوسو استفان دوجاریک بیلدیریب کی، بمت-نین باش کاتیبی آنتونیو گوترش اوکراینانین اودسا لیمانیندان تاخیللا یوکلنمیش ایلک تیجارت گمی‌سی‌نین یولا دوشمه‌سینی آلقیشلاییب.

1862160
دوجاریک: "آنتونیو گوترش ایلک تیجارت گمی‌سی‌نین یولا دوشمه‌سینی آلقیشلاییب"

بمت باش کاتیبی‌نین سؤزچوسو استفان دوجاریک بیلدیریب کی، بمت-نین باش کاتیبی آنتونیو گوترش اوکراینانین اودسا لیمانیندان تاخیللا یوکلنمیش ایلک تیجارت گمی‌سی‌نین یولا دوشمه‌سینی آلقیشلاییب.

قارا دنیز تاخیل تشببوسو چرچیوه‌سینده اوزن ایلک تیجارت گمی‌سی حاقیندا آچیقلاما وئرن استفان دوجاریک دئییب:

"باش کاتیب فوریه‌نین 26-دان بری اوکراینانین اودسا لیمانینی ترک ائدن ایلک تیجاری گمی‌سی اولان " M/V Razoni"نین یولا دوشمه‌سینی صمیمیت ایله آلقیشلاییر".

دوجاریک 22 جولای دا ایستانبول-دا ایمضا‌لانان قارا دنیز تاخیل تشببوسو چرچیوه‌سینده یولا دوشن ایلک گمی‌نین لوبنان-ین طرابلس لیمانینا 26 مین 527 تون قارغیدا‌لی داشیدیغینی بیلدیریب.

"مؤوجود تاخیل و ارزاق محصول‌لاری‌نین قلوبال بازارلارا داشینماسی‌نین تامین ائدیلمه‌سی واجیب اینسانی آددیم‌دیر"،- دئیه او وورغولاییب.

سؤزچو دوجاریک قئید ائدیب کی، ایلک گمی‌نین حرکتی بمت، اوکراینا، روسیا و تورکیه نوماینده‌لری‌نین داخیل اولدوغو بیرگه کووردیناسیون مرکزی‌نین کوللکتیو باشاریسی اولوب:

"مرکز یارادیلاندان بری طرف‌لر بمت-نین دستکی ایله تشببوسله الده ائدیلمیش رازیلاشما‌لارین حیاتا کئچیریلمه‌سی اوچون یورولما‌دان چالیشیرلار. باش کاتیب بو سعی‌لردن ممنون‌لوغونو ایفاده ائدیب و تورکیه رهبرلیگینه میننتدارلیغینی بیلدیریب".

"Razoni"  آدلی گمی‌نین ایمضا‌لانان تشببوسه اویغون اولا‌راق یولا چیخان گمی‌لردن ایلکی اولدوغونو بیل‌دیرن دوجاریک بیلدیریب کی، باش کاتیب اومید ائدیر کی، بو، خصوصیله اینسانی جهت‌دن ان حساس قروپ‌لار اوچون قلوبال ارزاق تهلوکسیزلیگینده چوخ احتیاج دویولان ثابت‌لیگی و راحت‌لیغی گتیره‌جک. تشببوسون اینسانی یاردیم روحونا اویغون اولا‌راق، دونیا ارزاق پروقرامی (WPP) همچنین 30 مین تون محصول ساتین آلا‌راق، بمت طرفیندن ایجاره‌یه گؤتورولن بیر گمییه یوکله‌ییب گؤندرمگی پلانلاشدیریر. یاخین گون‌لرده WFP بو باره‌ده اطراف‌لی معلومات وئره‌جک".



ایلگیلی‌لی خبرلر